Vi er ein kommune som kontinuerleg ønskjer å utvikle oss og vi ser etter deg som arbeidar ryddig, strukturert og effektivt med administrative oppgåver, og som ønskjer å vere ein pådrivar i utvikling og digitalisering.

Arbeidsoppgåver

• Rekneskapsføring frå A til Å
• Føre prosjektrekneskap og bistå prosjekteigar ved rapportering
• Kontroll og kvalitetssikring av rekneskapstransaksjonar
• Fagleg rettleiing av leiarar og tilsette
• Bistå under månadleg lønskøyring og vikariere ved fråvær
• Andre arbeidsoppgåver kan òg bli lagt til stillinga ut frå behova i organisasjonen

Kvalifikasjonar

• Bachelorgrad innan fagområdet økonomi. 
• Relevant arbeidserfaring kan kompensere for manglande utdanning
• God rekneskapsforståing og interesse for rekneskapsfaget
• Kjennskap til offentleg rekneskap og forvaltning er ein fordel, men ikkje eit krav
• God og oppdatert IT-forståing
• God skriftleg og munnleg framstillingsevne på norsk

Personlege eigenskapar

• Fleksibel, løysingsorientert og glad i ei utfordring
• Positiv og hjelpsam
• Jobbar målretta og er resultatorientert
• Lagspelar som er motivert og interessert i fagområdet, og som bidreg til eit godt arbeidsmiljø
• God arbeidskapasitet
• Sjølvstendig og strukturert

 Personleg eignaheit vil bli vektlagt

Vi tilbyr

• Faglege utfordringar i eit godt arbeidsmiljø
• Moglegheit til å vere med og påverke ein organisasjon i utvikling og vekst
• Fleksitidsordning og moglegheit for heimearbeid
• Gode pensjons- og forsikringsordningar
• Generell lønsplassering i samsvar med Hovudtariffavtalen

Vågå kommune er av kommunane som er omfatta av: Ny ordning for sletting av studielån – no startar oppteninga - regjeringen.no

Søknad kan sendast på elektronisk søknadsskjema. Vedlegg til søknaden kan sendast som e-post til postmottak@vaga.kommune.no. 

Søknadsfrist: 17.06.2025. 
Aktuelle kandidatar blir kontakta fortløpande for intervju (intervjudato 20. juni). 

Nærmare opplysningar rundt stillingane blir gjeve av:

Økonomisjef Frank Roger Vangen: frv@vaga.kommune.no, tlf. 415 09 116

Vågå kommune er opptekne av mangfald og oppmodar kvalifiserte kandidatar å søkje uavhengig av alder, kjønn, funksjonsevne, etnisitet eller nasjonal bakgrunn.

Vi gjer merksame på at søkjarnamn kan bli offentleggjort sjølv om ein reserverer seg mot det, jf. Off.lova §25. Du vil i tilfelle bli varsla om dette på førehand.

Vi meiner at det er viktig å ha ein god balanse mellom jobb og fritid - med ei passe mengde arbeidsoppgåver. Er du glad i friluftsliv kan du kople av  i både skog og fjell: det finst gode fiske- og jaktmoglegheiter. Vågå har fleire idrettslag med idrettsarenaer, fotballbaner og idrettshall med klatrevegg, skiløypenettverk og alpinsenter, og byr også på meir urbane tilbod som kulturhus, kino og galleri.

Vågå kommune ligg i Nord-Gudbrandsdalen, midt mellom nasjonalparkane Jotunheimen og Rondane. Kommunesenteret Vågåmo er ein konsentrert og triveleg handelsstad, med eit godt utbygd servicetilbod. Vågå kommune har ca. 3.550 innbyggjarar, eit godt barnehage- og skuletilbod, og eit allsidig og rikt kulturliv.