Vågåmo skule er attende på gult nivå som betyr at kvart klassesteg er ein kohort. Klassestega har eigne uteområde og det er ekstra reinhald av overflatar i løpet av dagen, i tillegg til god handhygiene.

Vi ønskjer alle elevar i 1.-7.steg velkomne til skulestart måndag 16.august klokka 08.00.

Vi samlast bak skulen i amfiet før alle får gå til sine klasserom. 

Ressursgruppa i Vågå kommune er eit samarbeidsmøte mellom føresette og fagpersonar på barn og ungdom innan helse og oppvekst. Gruppa er eit forum for rettleiing og drøfting for at barn og unge skal få rett hjelp på eit tidleg stadium. 

Det er rektor, barnehagestyrar eller helsesjukepleiar som tek kontakt med gruppa for rettleiing eller drøfting. Det blir henta inn samtykke frå føresette før møtet og føresette er velkomne til å vere med på møtet. 

Faste medlemmar i ressursgruppa er:

- Helsesjukepleiar

- Barnevern

- PPT

- Kommunepsykolog

Andre kan bli kalla inn ved behov. 

Sjå brosjyren for meir informasjon. 

Her kan du sjå BliMe-dansen 2020 ved Vågåmo skule