1. FØREMÅL MED TILSKOTSORDNINGA:

1. Styrke og oppretthalde eksisterande produksjonar i jordbruket
2. Motivere ungdom til å satse på eit yrke i landbruket
3. Sikre busettinga
4. Auke aktiviteten i skogbruket

2. VIRKEOMRÅDE:

Retningslinene gjeld for tiltak på landbrukseigedomar i Sel og Vågå.

3. TILSKOT KAN GJEVAST TIL:

3.1 Jordbrukstiltak: Vassvegar/damanlegg/vatningsanlegg, nydyrking, grøfting, støtte til mindre investeringar til utbetring/ ombygging av driftsbygningar som ikkje får støtte hjå Innovasjon Norge, ulike planleggingstiltak inkl geolog/geoteknikar, solcellestrøm i Sel. 

3.2 Skogbrukstiltak: Ungskogpleie, nyanlegg/ombygging av skogsvegar, drift i bratt terreng.

3.3 Diverse: Tilskott til omdømmebygging.

4. GENERELLE REGLAR FOR STØTTE:

4.1 Det blir gjeve tilskott til nyinvestering, ikkje til årlege driftskostnader.

4.2 Tiltaket skal ikkje vera påbegynt før søknadsåret.

4.3 Søknader blir behandla fortløpande i Sel og søknadsfrist 1. februar i Vågå.

4.4 Fellestiltak vil bli prioritert om tilskotsramma blir for lita.

4.5 Dersom eit tiltak har fått løyvd statleg støtte skal ikkje det kommunale og statlege tilskotet overstige 50%. Det er unntak for ungskogpleie, der det kommunale og statlege tilskottet kan utgjere inntil 75%.

4.6 Det skal liggja ved plan, kostnadsoverslag og finansieringsplan til søknaden.

4.7 Minste tilskottsgrunnlag for tiltaka: nyanlegg veger, bygningsinvesteringar og vassvegar/damanlegg/vatningsanlegg er kr. 20.000,-

4.8 Tilskottet blir utbetalt etterskottsvis etter tilvising frå landbrukskontoret. Tilskottet blir utbetalt etter rekneskap.

Sel: Ved fellesanlegg med store kostnadar og mange deltakarar bør det kunne reisast politisk sak for å vurdere om maksimal støttesats på kr. 40.000,- kan overskridast.

Vågå: Der det er fleire enn ein deltakar i anlegget, kan det maksimale tilskottet aukast med 5.000 kr pr. deltakar, men ikkje meir enn til 45.000 kr.

5. REGLAR FOR DEI ULIKE TILTAKA:

5.1 Nydyrking:

a. Det kan gjevast tilskott til fulldyrking og overflatedyrking (ikkje i Sel).

b. Det kan gjevast tilsegn om inntil 30 % av kostnadsoverslaget, og maksimalt kr. 2500 pr. daa, maksimalt kr. 40.000,- pr. søknad i Sel og kr. 30.000,- i Vågå.  Minsteareal 1 da.

c. Tilskott kan ikkje løyvast før plan for nydyrking er godkjent av kommunen, jf. forskrift om nydyrking av 2.mai 1997

5.2 Vassvegar/damanlegg/vatningsanlegg:

a. Det kan gjevast tilskott til fast vatningsanlegg. (restaurering av gamle vassvegar, damanlegg og nytt vatningsanlegg).

b. Det blir ikkje gjeve tilskott til vatningsvogn og anna spreieutstyr.

c. Det skal takast omsyn til kulturlandskap og kulturminne.

d. Fellestiltak for omlegging til naturleg trykk vil bli prioritert.

e. Det kan gjevast tilsegn om inntil 30% av kostnadsoverslaget,

Maksimalt kr 40.000,-/30.000,- (Sel/Vågå) pr søknad 

5.3  Grøfting

a. Det kan gjevast tilskott til grøfting.

Tilskott  til drenering av jordbruksjord, avgrensa til systematisk grøfting, profilering og omgraving utgjør 3.500 kroner per dekar. Ved annen grøfting kan det gis 40 kroner per  løpemeter grøft avgrensa oppad til 3.500 kroner  per dekar.

Viss det blir løyvd statleg tilskott til drenering av jordbruksjord, avgrensa  til systematisk grøfting, profilering og omgraving, blir det kommunale tilskottet redusert til 1.500 kroner per dekar. Ved annan grøfting blir det kommunale tilskottet redusert til 10 kroner per løpemeter grøft avgrensa oppad til 1500 kroner per dekar.

Maksimalt tilskott kr. 40.000,-/30.000,- pr. søknad

c. Det skal ligge føre ein plan  og kostnadsoverslag for tiltaket som er godkjent av landbrukskontoret

5.4         Bygningsinvesteringar

Det blir gjeve støtte på inntil 30 % av kostnadsoverslag maksimalt kr. 40.000,-/30.000,- i støtte til mindre investeringar til utbetring/ ombygging av driftsbygningar som ikkje får støtte hjå Innovasjon Norge:

Følgjande vilkår må liggje til grunn

a. Det skal ligge føre ein plan og eit kostnadsoverslag for investeringa. 

b. Det er eit krav at søkjar får produksjonstilskott.

c. Der det ligg føre krav om offentlege godkjenningar eller løyve skal desse ligge ved søknaden

d. Dersom det vert løyvd statleg tilskott vert det kommunale tilskottet redusert tilsvarande statstilskottet.

e. Før utbetaling kan gjennomførast skal det liggje føre rekneskap for tiltaket og tiltaket skal vere sluttgodkjent av landbrukskontoret

5.5         Ungskogpleie:

a. Tilskott kan gjevast til nødvendig etterarbeid og ungskogpleie (manuell og motormanuell rydding av gras, lauvkratt og avstandsregulering i etablerte foryngingar).

b. Kommunalt tilskott til etterarbeid kan gjevast med inntil 30% av kostnaden. Tilskott blir ikkje gjeve til kostnader som er høgre enn det som er normalt ved ei rasjonell arbeidsordning. Det maksimale kostnadstaket som kan gje grunnlag for tilskott følgjer det til kvar tid gjeldande taket for statstilskott.

c. Tilskottet blir gjeve på vilkår av at fleirbruksomsyn som er nedfelt i skogbrukslova med forskrifter, blir fylgd.

Tilskot til ungskogpleie utbetalast etterskotsvis.  Det setjast av kr. 40.000,- til dette føremålet.

5.6         Skogsvegar:

1. Tilskottet gjeld både nybygging og ombygging av eksisterande veg. Ved ombyggingar det krav at vegstandarden skal hevast minst ei vegklasse. Vegen skal vera planlagt av fagfolk og godkjent i alle instansar før tilskott kan løyvast.
2. Vegen skal byggjast i samsvar med ”Normaler for landbruksveier med byggebeskrivelse” utgjeve av Landbruksdepartementet i 1997.
3. Minste tilskottsgrunnlag er kr. 20.000,-
   Det kan gjevast tilsegn om inntil 30 % av kostnadsoverslaget, maksimalt kr. 40.000,-/30.000,- pr. søknad. Det er eit vilkår at interessentane held vegen vedlike.

5.7         Taubanedrift i bratt terreng:

1. Tilskot kan gjevast til slepebane-/taubanedrifter. Kriteria for tilskot følgjer det statlege regelverket.
2. Felta skal godkjennast på førehand av kommunen.  Det er eit vilkår at det er eit fornuftig driftsopplegg som tek omsyn til framtidig drift av heile området.
3. Tilskott blir gjeve med inntil kr 50,- pr m³, maksimalt kr. 40.000,-/30.000,- pr. drift.
   Kommunen vil kontrollere felta før utbetaling av tilskot.

5.8         Drift i mellomvanskeleg terreng

Ordninga gjeld for motormanuell drift med traktor og vinsj.

1. Tilskot blir berre gjeve i område som er avsett til landbruksformål i arealplanen og som fortsatt skal brukast til skogbruksformål. Det er eit vilkår at det vert sørga for tilfredsstillande forynging av hogstfeltet.
2. Drifta skal førehandsgodkjennast av kommunen. Det er eit vilkår at det er eit fornuftig driftsopplegg som tek omsyn til framtidig drift av heile området.
3. Lilengda må vere minst 50 meter og ha gjennomsnittleg helling minst 40%.

(Areal inntil 3 daa med mindre helling innanfor driftsområdet kan inngå når dette må drivast saman med det bratte området).

4. Tilskot kan gjevast til rundvirke av gran og furuvirke som er levert for sal og innrapportert til VSOP-basen. Minste kvantum er 40 m³.
5. For drift i mellomvanskeleg terreng blir det gjeve støtte med kr. 100 pr. m³, maksimalt kr. 40.000,-/30.000,- pr. drift.
6. Kommunen skal kontrollere at tiltaket er gjennomført i tråd med vilkåra før tilskotet blir utbetalt.

5.9          Tilskott til 1. gongs manuell tynning

Det blir gjeve tilskott på 300 kr/daa til 1.gongs manuell tynning i hogstklasse III. Arealet skal kontrollerast av skogbrukssjefen.

5.10       Tilskott til solcellestraumproduksjon (gjeld berre i Sel)

       a.    Det blir gjeve støtte på kr. 10.000,- som fast støttesats og 1.250 kr per kW installert effekt opp til 16 kW. Maksimal støtte pr. anlegg kr. 40.000,-.

       b.  Det må leggjast ved dokumentasjon på kostnadar og installert effekt. Vedtaket er gyldig i inntil tre år frå vedtaksdato.

        c.   Dersom det vert løyvd statleg tilskott vert det kommunale tilskottet redusert tilsvarande statstilskottet.

5.11

a.    Det blir set av ein pott på kr. 10.000,- for tiltak innanfor omdømmebygging og rekruttering i landbruket.  Det må liggje føre grunngjeve søknad.

5.12 ( Sel, nytt frå 24.5.2022, Vågå frå 8.6.22)

Det blir gjeve 50 % i tilskot, men maksimalt inntil kr. i 40 000/30 000  tilskot til driftsplanlegging/økonomisk rådgjeving, teikningar/planløysingar, utgifter til geoteknikar,  og liknande.

Tilskotet blir utbetalt på grunnlag av framlagt plan, dokumenterte kostnadar og timelister for eige arbeid.

Alle løyvingar om tilskott blir gjeve med eit vilkår om at løyvinga gjeld i tre år frå vedtaksdato, med mogelegheit for forlenging 1 + 1 år, etter søknad. 

Søknadsfrist i Vågå er 1. februar (frå 2023)