Status i Sel kommune:
Det er pr i dag 15 personar med påvist smitte i Sel. 280 personar er sett i karantene. Av dei prøvene som vart sendt inn frå Sel i går, som det så langt er komme svar på, er det ikkje påvist nye smitta. Det er heller ikkje funne tilfelle av den muterte virusvarianten pr no.

Status i Lom kommune:
Det er i dag 1 person med påvist smitte i Lom. Lom kommune melder at smittevegen er kjend, og at det er god kontroll på situasjonen.

Det blir reist ein del spørsmål rundt farane ved den muterte virusvarianten. Det er viktig å understreke at det ikkje er påvist at den muterte varianten av viruset er farlegare, men den er meir smittsam, noko som gjer at potensialet for smittespreiing er større.

Vi vil difor berre minne alle på å følgje dei smittevernråd som gjeld til ei kvar tid.