Målet med ordninga er å sette kommunen i stand til å avhjelpe situasjonen for lokale verksemder som er særleg hardt ramma av lokale eller nasjonale smittverntiltak. Vågå kommune har friheit til å tilpasse kva for verksemder som blir støtta, avhengig av den lokale situasjonen knytt til nedstenging og tapt omsetning.
Ordninga gjeld for bedrifter med forretningsadresse i Vågå kommune og skal avhjelpe dei verksemder som heilt eller delvis har falle utanfor dei generelle kompensasjonsordningane. Det er og opna i ordninga for å nytte midlane til felles tiltak innafor reiselivet.
Stønad kan difor bli gitt til verksemder innanfor reiselivs-, arrangements- og serveringsnæringane, og andre verksemder som av ulike grunner fell utanfor generelle kompensasjonsordningar.
Følgjande kan støttast:
- Kostnader eller tap som følgje av smitteverntiltak og nedstenging knytt til Covid-19 som
- Smittevernutstyr/fordyrande tiltak
- Dokumentert inntektstap som følge av smitteverntiltak og nedstenging
- Stønad til tiltak som bidreg til aktivitet og auka omsetning
- Fellestiltak innafor reiselivet
Aktuelle fellestiltak kan være:
- Ringverknadsanalyse
- Midlar til rydding og merking av stignett
- Utvikling/trykking av kart
- Infrastruktur
Søknadsfristen er 07. mai 2021, og søknaden må sendast via regionalforvaltning.no.
Meir informasjon om søknadsprosess, kriteria og tildeling finst i utlysinga på regionalforvaltning. Ta gjerne kontakt med næringskoordinator Live Brimi på epost eller telefon i forkant av innsending av søknaden.