Korleis opplever du som innbyggar reiselivet i Nord‑Gudbrandsdalen?

Nord‑Gudbrandsdalen arbeider målretta for å bli resertifisert som Berekraftig reisemål. Dette er eit langsiktig arbeid som handlar om å utvikle reiselivet på ein måte som tek vare på naturen, lokalsamfunna og dei unike stadene vi bur på.

For å lukkast treng vi kunnskap om korleis reiselivet faktisk blir opplevd av dei som kjenner regionen best – nemleg innbyggjarane.

Vi vil høyre frå deg!

No inviterer vi alle innbyggjarar i Vågå til å svare på ei kort spørjeundersøking. Dine svar gir verdifull innsikt i korleis reiselivet opplevast lokalt, og kva som skal til for at utviklinga skal vere positiv for både innbyggjarar, natur og næringsliv.

Undersøkinga tek berre nokre få minutt å gjennomføre, og som deltakar blir du med i trekninga av:

to billettar til Gjendebåten
to årskort til Galleri Ullinsvin

Frist 6. april

Delta her påInnbyggerundersøkelsen 2026: https://no.surveymonkey.com/r/Innbyggerundersokelse2026

Vi håpar du vil ta deg tid til å dele dine erfaringar – det betyr mykje for arbeidet med ei berekraftig framtid for reiselivet i Nord‑Gudbrandsdalen.

Du kan lese meir om ordninga Berekraftig reisemål her:

Merket for Bærekraftig reisemål | En nasjonal merkeordning

Publisert av Live Brimi

Sist endret 18.03.2026 09.33