Ei kartleggingssamtale vil vere vårt fyrste møte, etter dette blir det sett opp ein plan saman med deltakaren.
Ut i frå kvar samtale vil det bli sett opp aktivitet, t.d. temadagar/kveldar som kan vere til hjelp.
Samtala vil og kartlegge motivasjon til å gjere ei endring.

Desse passar ikkje Friskliv i Vågå for:

• alvorleg psykisk sjuke
• dei som allereie er i mykje fysisk aktivitet i dag
• dei som skal innom rehabilitering etter t.d. opphald på sjukehus

Dei fyrste 12 vekene vil tilbodet vere gratis for deltakarane, deretter kr 50,- pr gong.

Det er mogleg å bli med uansett når du vil, det blir tatt inn nye deltakarar kvar veke. Det skal vere eit tilbud med kort ventetid i forhold til samtale og aktivitet.

Vi har journalplikt og teieplikt.

Folkehelsekoordinator Mona Sveen er koordinator og Unni Høiby er kontaktperson hos Skrotten. Unni vil og vere den som står for opplegget med aktivitet osb.

Deltakar blir du ved å få “henvisning” frå lege eller Nav, eller ta kontakt med Unni på tlf 90 87 17 34.

Send oss gjerne spørsmål eller synspunkt!