I samsvar med lov om eigedomsskatt § 15 skal lista ligge ute til offentleg ettersyn i 3 veker etter kunngjering.

Eigedomsskatten forfell til betaling i tolv like terminar saman med kommunale avgiftar. Eigedomsskatt med årsbeløp under 1.200 kr blir og fakturert i sin heilskap i januar med forfall i februar.

Klage vedrørande eigedomsskatten kan fremjast kvart år i samband med den årlege utskrivinga av eigedomsskatt, så sant det ikkje er klaga på same grunnlag tidlegare år.

Klagefristen er satt til 15. mars 2019.

Auke i eigedomsskatten 2019

Med bakgrunn i at det er 10 år sidan siste alminnelege taksering, opnar eigedomsskattelova for at kommunestyret kan justere opp takstane.

I kommunestyresak 38/18 er det etter eigedomsskattelova §8A-4 vedteke at eksisterande eigedomsskattegrunnlag for 2019
blir justert opp med 10 %. 

Det er i kommunestyresak 64/18 fatta vedtak om at det i løpet av 2019 skal gjennomførast ny taksering av alle eigedommar i kommunen, med verknad frå 2020. For bustadeigedommar vil det frå 2020 bli nytta Skatteetatens formuesverdiar. Fritidseigedommar og gardsbruk vil bli taksert som tidlegare.