I samband med kraftutbygging i Nedre Otta er Vågå kommune tildelt kr 5,0 millionar til dekking av kostnader til avbøtande tiltak.
2 millionar er fordelt, og det er no lagt opp til ei ny søknadsrunde med frist 15. januar 2019 for resterande midlar. Både prosjekt som er i gang og nye prosjekt kan søkje om tilskot. Søknad kan sendast til Vågå kommune, merka med 'Avbøtande tiltak Nedre Otta'.
Vedtak i kommunestyret, 18. juni 2018:
1. Innafor ei økonomisk rame på 2 millionar, disponeras delar av den økonomiske kompensasjonen for avbøtande tiltak knytt til Nedre Otta kraftutbygging slik:
a. Lalm Idrettslag med inntil kr. 600.000,- til bygging av rulleskiløype, og med inntil kr. 50.000,- til turskiltprosjekt. Vilkår for tildeling er at tilskot blir halde fråskilt frå anna driftsregnskap, og på den måten ikkje inngår i idrettslagets ordinære driftsregnskap.
b. Lalm samfunnshus med inntil kr. 500.000,- til opprusting/rehabilitering av Lalm samfunnshus.
c. Lalm Vel og Grendeutvikling med inntil kr. 500.000,- til opprusting av leirområde, med opparbeiding av gapahuk og bål-plass.
d. Lalm ishockeyklubb med inntil kr. 310.000,- til bygging av tak over curlingbane på Lalm
e. Lalm Vel og Grendeutvikling med inntil kr. 40.000,- til plan- og avklaringsarbeid, for opparbeiding av Velfettjønn til rekreasjonsområde på Lalm. Utvida støtte til prosjektet vil bli behandla på nytt, etter at nødvendig plan- og avklaringsarbeid er utført.
2. Det stillast vilkår om innlevering av fullstendig rapport, som dokumenterer økonomirekneskap og status på framdrift 1 år etter utbetaling av midlane. Kommunen vil førehalde seg retten til å krevje attendebetaling av midlar som ikkje blir nytta etter godkjent plan og budsjett.
3. Ny frist for å søkje på resterande midlar blir sett til den 15.01.2019. Her kan både nye og prosjekt som er i gang søkje.
4. Arbeidsgruppe avbøtande tiltak Lalm (gruppeleiarane) fortsett som tidlegare, arbeidsgruppa innstiller til kommunestyret. Lag og organisasjonar på Lalm skal vera høyringspart.