I møte med dei store klimautfordringane i verda, er det lett å kjenne seg liten. Men i Vågå kommune vert det no sett lys på kor mykje kvar og ein av oss faktisk kan bidra med. Gjennom den nye holdningsskapande kampanjen "Kå kæin e gjera?" vil kommunen auke kunnskapen hjå både innbyggarar og tilreisande om klima og energi – og vise at små, konkrete tiltak i kvardagen kan ha stor betydning i det lange løp. 

Kampanjen legg vekt på praktisk informasjon, inspirasjon og lokal forankring, og skal gjere det enklare for folk å ta grøne val – både heime, på jobb og i fritida.

♻️ Kå keinn e gjera? – Ein filmserie om små grep for eit meir berekraftig Vågå

Vågå kommune har vedteke ein Klima-, energi- og miljøplan for å ta vare på naturen, kutte utslepp og styrke lokalsamfunnet for framtida. Men ein plan gjer ingen forskjell om den berre blir liggande i ei skuff.

Difor vil vi gjere planen levande og synleg – for alle. Gjennom korte filmar viser vi konkrete tiltak frå klimaplanens tiltaksdel, og korleis dei kan takast i bruk i kvardagen, heime eller i lokalsamfunnet.

Filmserien "Kå kan e gjera?" handlar om nettopp det – kva kvar og ein av oss kan gjere, på vår måte, for å bidra til eit meir berekraftig Vågå. Små grep. Enkle val. Praktiske eksempel – frå barnehagar og skular til næringsliv, frivillige og privatpersonar.

Målet: Å gjere planen forståeleg, handterbar og engasjerande – og vise at den allereie er i gang med å bli sett ut i livet.

På https://www.vaga.kommune.no/tenester/natur-miljo-og-klima/klima-og-energi/ kan du følje med på dei ulike filmane som vi lagar og lese meir om korleis du kan bidra.

I den fyrste filmen møter vi Marit Svanborg, ny dagleg leiar i NGR.

Visste du at matavfall ikkje er søppel – men ein ressurs?

I Vågå kommune har vi no starta med utsortering av matavfall i alle hushaldningar. Det betyr at bananskal, kaffigrut og grønnsaksrestar kan bli til noko nytt – som biogass og kompostjord.

Kampanjen er finansiert av Innlandet Fylkeskommune.