Gjendegarden ligg idyllisk til ved det flotte vatnet Gjende! Tunet består blant anna av to hytter til utleige. For å kome til Gjendegarden må du ro over vannet frå Gjendeosen, der Vågå kommune har båtar liggande.
Hyttene er definert som lågstandar hytter, men har innlagt straum. Det er også vorte montert forbrenningsdoar i hyttene.
Den store hytta inneheldt 10 sengeplassar, fordelt på to soverom, mens den lille hytta har 6 sengeplassar. Du kan velge å leige den eine eller begge hyttene.
Søknad om leige for sommarferien må være inn innan 01.05 og deretter blir datoane fordelt. Søknad om leige for haustferie, vinterferie og påske må være inn 5 veker før leietidspunkt. Øvrige periodar er det “fyrstemann til mølla” prinsippet som gjeld
Fleire detaljar finst under spørsmål og svar.
Pris per døgn er kr 350,-
For å leige Gjendegarden kan du sende ein e-post til postmottak@vaga.kommune.no. I e-posten skriv du kva for tidsperiode du ønskjer og kva for hytte du ønskjer å leige.
Alle som er tilsett i Vågå kommune eller som er busett i Vågå kommune kan leie Gjendegarden
Du må sende ein søknad til Vågå kommune. For leie i sommarferien må søknaden være sendt innan 01.mai.
For haustferie, vinterferie og påskeferie må søknaden sendast 5 veker før leietidspunktet.
Dei resterande periodane er det løpande søknad med “fyrstemann til mølla” prinsippet
Om det er fleire søknader på same tidspunkt gjeld følgjande:
“den som har leigd hytta færrast døgn siste året har fyrsteprioritet. Om fleire står likt, skal tildelinga avgjerast ved loddtrekning”
Hytte er utstyrt med kokekar og dekketøy i tillegg til dyner og puter. Du må ta med utstyr som handkle og sengetøy. I tillegg må du hugse redningsvestar til bruk i båten.
Nøkkelen hentar du på servicetorget i Vågå kommune.
Leigetida startar og sluttar måndag kl 16:00. Leigetida for helg avsluttast måndag kl 16:00.
Ved avreise frå hytta skal hytta vaskast og søppel skal tas med. I tillegg skal skjema fylles ut og leverast saman med nøkkelen på kommunehuset.