Vilkår for bustøtte
Alle over 18 år kan søkje bustøtte bortsett frå studentar og personar i førstegongsteneste. Du kan likevel søkje dersom du
- er student med barn
- er student utan barn og studiet er del av eit offentleg arbeidsretta tiltak
- er under 18 år og har eigne barn
Du må bu i bustaden du søkjer bustøtte for. Alle som bur i bustaden, må også vere registrerte i folkeregisteret.
Bustaden din må vere godkjend for heilårsbruk. Samstundes må bustaden ha eigen inngang, eige bad/toalett, og det må vere mogleg å kvile og lage mat der. Bur du i bufellesskap og har fått tilvist bustaden av kommunen, kan du likevel søkje bustøtte.
Grenser for inntekt
Det er sett øvre grenser for kor høgt inntektsgrunnlag du kan ha for å kunne få bustøtte.
Korleis søkje bustøtte?
Du kan søkje bustøtte elektronisk eller på papir. Søknadsfristen for bustøtte er den 14. kvar månad. Utbetalinga kjem omkring den 10. i månaden etter.
Søk bustøtte
Papirsøknader skal du sende til Vågå kommune, Edv. Stormsveg 2, 2680 Vågå
Du må melde frå om endringar
Dersom du får samtykke om bustøtte, treng du ikkje søkje kvar månad. Men du må melde frå skriftleg til kommunen
- dersom det skjer vesentlege endringar i inntekt og formue (då må du sende inn eige skjema)
- dersom du/de flyttar til ein ny bustad (då må du også søkje på nytt)
- dersom ein eller fleire personar flyttar inn eller ut av bustaden
- dersom bukostnadene endrar seg
- dersom ein i huslyden blir student
Melde frå om endringar
Klage på vedtak om bustøtte
Dersom du meiner noko er feil i vedtaket, kan du klage innan 3 veker frå du fekk melding om vedtaket. I nokre høve må du fylle ut eit eige klageskjema. Klagen skal du sende til kommunen.
Klage på vedtak om bustøtte
Ønskjer du å søkje bustøtte for komande månader, må du sende inn ny søknad til kommunen.
Meir informasjon
Du finn meir informasjon om bustøtte på Husbankens bustøttesider. Du kan også ta kontakt med kommunen for å få hjelp og rettleiing. Kontakt servicetorget på tlf 61 29 36 00.
Regelverk