Detaljreguleringsplan for Grindstugulego vil erstatte og oppheve reguleringsplan for Vågåmo Vest for samanfallande planområde. Detaljreguleringsplanen vil også erstatte og oppheve ein liten del av reguleringsplan Lyen skog der planområda overlappar.
Bakgrunn for planarbeidet
Formålet med planen er å leggje til rette for bygging av bustader for eldre ved fortetting i eit eksisterande bustadområde sentralt i Vågåmo. Planarbeidet legg til grunn demografiske endringar og behovet for fleire bustader for seniorar og eldre i Vågå i åra som kjem. Planen skal leggje til rette for eigna og attraktive leilegheiter nær sentrum og gi tilgang til viktig tenestetilbod og sosiale møteplassar slik at det ligg til rette for å bu lengst mogleg heime.
Om planområdet
Planområdet er om lag 7 dekar stort. Planområdet omfattar eigedommane gnr 66 bnr 1 fnr 110, 96, 104 samt gnr 66 bnr 1 og del av kommunal veg Grindstugulego. Arealet er i dag teke i bruk til bustadbebyggelse og kommunal infrastruktur i grunnen. Tilgrensande eigedom mot vest, gnr 66 bnr 341, har tilkomst gjennom planområdet.
Dokument i høyringa
Høyringsforslaget omfattar følgjande dokument:
1. Saksprotokoll_Formannskapet sak 34-2026_Detaljregulering for Grindstugulego - høyring og offentleg ettersyn.pdf (PDF, 2 MB)
2. Planomtale_Grindstugulego_høyring og offentleg ettersyn.pdf (PDF, 5 MB)
3. Plankart_detaljregulering Grindstugulego_høyring og offentleg ettersyn.pdf (PDF, 567 kB)
4. Reguleringsføresegner_Grindstugulego_høyring og offentleg ettersyn.pdf (PDF, 314 kB)
5. ROS-analyse_Grindstugulego_J01_høyring og offentleg ettersyn.pdf (PDF, 867 kB)
6a. VAO-plan_TeikningH101_J03_høyring og offentleg ettersyn.pdf (PDF, 677 kB)
6b. VAO-plan_TeikningH102_J03_høyring og offentleg ettersyn.pdf (PDF, 2 MB)
6c. VAO-plan_Teikning_H103_J03_høyrings og offentleg ettersyn.pdf (PDF, 2 MB)
6d. VAO-plan_Overvannsnotat Grindstugulego_J01_høyring og offentleg ettersyn.pdf (PDF, 2 MB)
7. Skredfarevurdering_Rapport SkredAS_Grindstugulego-Leirbakken.pdf (PDF, 9 MB)
8. Merknader ved oppstart_samla.pdf (PDF, 222 kB)
Planforslaget
Det er Vågå kommune som har utarbeidd planforslaget med bistand frå Norconsult. Planforslaget opnar for etablering av leilegheiter fordelt på fleire bygningar. Maksimal utnyttingsgrad er sett til 45 % BYA og maksimal mønehøgd 9 meter. I planmaterialet er det nærare omtale av planforslaget og det er også vist skisser av moglege løysingar. Det er sett krav til estetikk, materialbruk og fargeval for å sikre at nye bygningar glir godt inn i nærmiljøet, og det er lagt vekt på tilgjenge for alle og gode uteareal.
Skredfarevurdering, risiko- og sårbarheitsanalyse og VAO-plan (vatn-, avlaup og overvassplan) inngår som del av planmaterialet. Uttalene som kom i sambandmed varsel om oppstart av planarbeidet er omtalte og kommenterte, og desse uttalene er også samla som eige vedlegg som følgjer planforslaget.
For nærare informasjon om planforslaget, sjå vedlagte dokument.
Tilgang til plandokumenta
Høyringsdokumenta er tilgjengelege for gjennomsyn i kommunen sitt servicetorg.
Plankart og øvrige plandokument er også tilgjengelege i kommunen si kartinnsynsløysing.
Varsling og utsending
Høyringsbrev med vedlegg er sendt aktuelle heimelshavarar av eigedommar i planområdet og naboeigedommar. Aktuelle offentlege styresmakter og andre som er råka eller kan ha interesse av planarbeidet har også fått planforslaget på høyring.
Uttalefrist
Uttale til planforslaget skal sendast til Vågå kommune på e-post til postmottak@vaga.kommune.no, eller som brev til postadresse Vågå kommune, Edvard Stormsveg 2, 2680 Vågå.
Frist for uttale er 17. august 2026.
Har du spørsmål?
Ta kontakt med kommune.
Ingunn Moen Helland
Plan- og miljørådgjevar
E-post: ingunn.moen.helland@vaga.kommune.no
Mobil: 90990488