Sterkt engasjement for framtida i Vågå

Dialogmøta er ein del av satsinga Saman om framtida i Vågå, der kommunen inviterer innbyggjarane til å kome med innspel om tenester, beredskap og kommuneplanlegging.

På Lalm deltok 13 innbyggjarar, medan 11 deltok på møtet for Skogbygda og Skårvangen. Begge stadene var det stort engasjement og mange innspel til korleis kommunen og lokalsamfunna kan utviklast vidare.

Behovet for fleire bustader, sterke lokalsamfunn og gode møteplassar var blant tema som vart løfta fram. Frivilligheit og lokalt engasjement vart også trekt fram som viktige ressursar – både i kvardagen og som ein del av kommunen sin beredskap.

Fleire deltakarar gav positive tilbakemeldingar på møteforma og ønskte fleire arenaer for dialog mellom innbyggjarane og kommuneleiinga.

Oppsummeringane og innspela frå møta kan lesast på sida Saman om framtida i Vågå. 

Innspela blir tekne med vidare i kommunen sitt arbeid med å utvikle tenestene og planleggje for framtida.