Eigar sitt ansvar
Eigaren av eit privat avløpsanlegg har ansvar for at anlegget fungerer tilfredsstillande og blir drifta og vedlikehalde i samsvar med gjeldande regelverk. Dette omfattar mellom anna regelmessig tømming, service og oppfølging av eventuelle feil eller manglar.
Korleis blir tilsyn gjennomført?
Ved tilsyn kan kommunen:
- kontrollere dokumentasjon knytt til avløpsanlegget
- gå gjennom tømme- og servicerapportar
- undersøkje om anlegget fungerer som føresett
- vurdere risiko for forureining eller andre miljøulemper
- følgje opp tidlegare registrerte avvik
Du vil normalt få varsel før eit planlagt tilsyn.
Oppfølging ved avvik
Dersom tilsynet avdekkjer feil eller manglar ved anlegget, kan kommunen gje pålegg om nærare undersøkingar, utbetring eller oppgradering. Kva tiltak som er nødvendige blir vurdert i kvar enkelt sak ut frå anlegget sin tilstand, miljøpåverknad og gjeldande regelverk.
I enkelte tilfelle kan det vere nødvendig å søkje om nytt utsleppsløyve. Søknader skal sendast inn av ansvarleg føretak gjennom Gemini Entreprenørportal.
Har du spørsmål?
Ta kontakt med Vågå kommune dersom du har spørsmål om tilsyn, drift av privat avløpsanlegg eller krav til utbetring og oppgradering.