Ledig 100% fast stilling helsesjukepleiar

Vågå kommune søkjer etter helsesjukepleiar i 100% fast stilling – ønskje om snarleg oppstart 

Om stillinga

Vi søkjer deg som er utdanna helsesjukepleiar eller som er i gang med utdanninga. Du er engasjert og fagleg dyktig og relasjonssterk! Er du under utdanning kan vi tilby utdanningsstipend. Stillinga er knytt til helsestasjons- og skulehelsetenesta, og inneber tett samarbeid med familiar, skular, barnehagar og andre samarbeidspartnarar.

Organisering av tenesta: Helsestasjon og skulehelsetenesta består av helsesjukepleiar 3 x 100% stilling, Jordmor 100% fordelt på 48% i kommunal og 52% i regional jordmorvakt, barnefysioterapeut,  barnekoordinator,  merkantil  samt helsestasjonslege. 

Helsestasjon og skulehelsetenesta er lokalisert ved Vågå helsesenter, i tilknyting til legeteneste, rus og psykisk helseteneste og tannhelsetenesta. 

Arbeidsområde tek utgangspunkt i nasjonale retningsliner for helsestasjon og skulehelseteneste, samt helsekartlegging og oppfølging av flyktningar som blir busett i kommunen.  

Arbeidsoppgåver

  • Helsestasjon for 0-5 år
  • Skulehelseteneste i grunnskule 
  • Helsestasjon for ungdom
  • Foreldretettleiing 
  • Oppfølging av barn, unge og familiar
  • Vaksinasjonsarbeid i tråd med nasjonalt program
  • Tverrfagleg og tverretateleg samarbeid 
  • Fagleg utviklingsarbeid
     

Kvalifikasjonar

  • Autorisert sjukepleiar med vidareutdanning som helsesjukepleiar eller 
    Autorisert sjukepleiar og er i gang med vidareutdanning i helsesjukepleie
  • Erfaring frå helsestasjon- og/eller skulehelseteneste er ein fordel
  • Gode kommunikasjonsevner på norsk, både skriftleg og munnleg
  • Førarkort klasse B

 

Personlege eigenskapar

  • Faglig oppdatert og engasjert 
  • Evne til å vise omsorg og bry deg om andre
  • God til å lytte og god til å formidle kunnskap
  • Gode samarbeidsevner 
  • Evne til å arbeide sjølvstendig og systematisk 
  • Fleksibel, nytenkande og løysingsorientering 

Personleg eignaheit vil bli vektlagt.
 

Vi tilbyr

  • Stipendstilling til deg som er under utdanning
  • Engasjerte medarbeidarar
  • Triveleg og tverrfagleg arbeidsmiljø
  • Utfordrande, men givande arbeidsoppgåver
  • Støtte ved oppstart og undervegs av helsesjukepleiar 
  • Lønns- og tilsetjingsvilkår etter lov og avtaleverk. 

 

Andre opplysningar

  • Politiattest må leggjast fram før tiltreding
  • Tilsetjing skjer elles på dei vilkåra som går fram av gjeldande lover, tariffavtalar og reglement

Aktuelle kandidatar blir invitert til intervju.

Søknad

Send søknad via kommunen sitt elektroniske søknadssystem.

Søknadsfrist: 27.09.26
 

For nærmare informasjon kontakt Tenesteleiar Liv Olasveen, tlf:  99028291/47627394 eller epost: liv.olasveen@vaga.kommune.no eller

Fagansvarleg helsesjukepleiar: Synnøve Harerusten, tlf. 46283665 eller epost: synnøve.harerusten@vaga.kommune.no 

 

Søknad skal sendast på elektronisk søknadsskjema. Vedlegg til søknaden kan sendast som e-post til postmottak@vaga.kommune.no. søknadsfrist: 27.09.2026

Vågå kommune er oppteke av mangfald og oppmodar kvalifiserte kandidatar til å søkje uavhengig av alder, kjønn, funksjonsevne, etnisitet eller nasjonal bakgrunn. 

Vi gjer merksame på at søkjarnamn kan bli offentleggjort sjølv om ein reserverer seg mot det, jf. Off.lova §25. Du vil i tilfelle bli varsla om dette på førehand. 

Publisert av Linda Røe
Sist endret 14.09.2026 10.58