Er du førebudd på ei krise?Vi lever i ei uroleg verd, med mellom anna klimaendringar, krig og digitale truslar. Sjølv om det meste fungerer som det skal i Norge, må vi vere førebudde på at ekstremvêr, pandemiar, ulukker, sabotasje og - i verste fall - krigshandlingar kan ramme oss.Korleis vil du og dine næraste klare dykk dersom straumen blir borte i ein lengre periode? Kva om mobilnettet forsvinn og datalinjene er nede? Kva gjer du dersom vatnet forsvinn? Kva om du ikkje får handla på ei veke?Under har kommunen samla ulike råd til korleis du kan førebu deg på slike situasjonar. Råd om eigenberedskapDSB anbefaler at flest mogleg er førebudd på å klare seg sjølv i ei veke i ei krise. Dette fordi kommunane og naudetatane må prioritere dei som ikkje klarar seg utan hjelp i ei krise.Er du førebudd?Korleis vil du og dine nærmaste klare dykk dersom straumen blir vekke i ei lengre periode? Kva gjer du dersom vatnet forsvinn? Kva om du ikkje får handla på ei veke? På nettsida Sikkerhverdag finn du informasjon om eigenberedskap og korleis du kan førebu deg på ei krise. Gå til sikkerhverdag Last ned borsjyre frå DSBSlik kan du få informasjon frå kommunenKommunen kan informere ut til innbyggjarane på desse måtane:informasjon på nettsida www.vaga.kommune.no informasjon og varsel via sms-meldingar. Les meir om SMS-varslingved fullstendig bortfall av elektronisk kommunikasjon, vil ikkje varslingsmetodane over vere tilgjengelege. Les meir om dette under punktet Informasjonspunkt ved bortfall av EKOM. NB! Sosiale medium blir av omsyn til informasjonssikkerheit ikkje nytta under kriser. Vi ber om at alle ser til kommunen si nettside for å finne informasjon, og er kritiske til informasjon ein innhentar i sosiale medium. Når mobilen ikkje har dekningSjølv om mobildekninga er borte, kan det framleis vere mogleg å ringe naudnummera 110, 112 og 113. Dette føreset at ein annan mobiloperatør har dekning i området. Det er ofte størst sjanse for å få kontakt med 112.Dersom du har tilgang til wifi, kan du også ringe over wifi sjølv om mobilnettet er nede. Vi tilrår at du set deg inn i korleis dette fungerer på telefonen din.Ved delvis bortfall av mobilnettet kan du få signal att ved å flytte deg til eit anna område. Det kan òg vere at naboar eller andre i nærleiken har dekning gjennom ein annan mobiloperatør.Ved langvarige bortfall av elektronisk kommunikasjon viser vi til informasjonen om informasjonspunkt.Informasjonspunkt ved bortfall av elektronisk kommunikasjonBortfall av elektronisk kommunikasjon (EKOM) betyr at du ikkje kan ringe, sende sms, bruke internett eller mobilnett. Ved langvarig bortfall av EKOM kan du møte fram på faste oppmøtestader for å få informasjon og kontakte kommunen. Primærmøtepunkt for helsehjelpVågåheimen, Moavegen 11 A, 2680 Vågå. (Telefon: 476 15 700)Informasjonspunkt i grendeneVågå kommunehus, Edvard Storms veg 2, 2680 Vågå. (Telefon: 61 29 36 00)Lalm samfunnshus, Kokkehølvegen 1, 2682 LalmCoop Marked Randsverk, Fjellvegen 1972, 2683 Tessanden (Telefon: 975 03 081) Kriseleiinga vil fortløpande etablere andre treffpunkt/kommunikasjonspunkt avhengig av hending/omfang.Varsling i kriser - naudvarsel på mobilVed kriser og ulukker er det viktig at du har tilgang på offisiell informasjon om kva som skjer og kva du bør gjere. På nettsida Sikkerhverdag finn du informasjon om kanalane som norske styresmakter kan nytte for å nå ut til befolkninga ved kriser. Les om kommunikasjon i kriser på Sikkerhverdag.noFinn din beredskapsvenDet kan vere krevjande å planlegge eigenberedskap for ei veke. Hugs at familie, vener og naboar kan hjelpe kvarandre om gode løysingar. Finn ut kven som kan trenge di hjelp og kven du sjølv kan få hjelp frå.Om til dømes naboen din har ein annan mobil- eller internettleverandør enn deg, kan dekningen vere nærare enn du trur!Les om felles eigenberedskap på sikkerhverdag.noNaudnummer110 Brann112 Politi (når det er behov for hjelp med èin gong).113 Medisinsk naudtelefon (når det er akutt og står om liv).1412 Naudtelefon for døve og høyrslehemma. Naud-SMS er ei teneste som gjer det mogleg for deg som er døv, høyrslehemma eller talehemma å kontakte naudnummer via SMS (tekstmelding). For å bruke tenesta må du først registere nummeret ditt på www.nodsms.no Sist endret 30.10.2026 14.40