Ved bortfall av EKOM kan du møte fram på faste oppmøtestader for å få kontakt med hjelpeapparatet og få informasjon om kva tiltak du bør setta i verk og anna naudsynt kontakt med kommunen.
Primærmøtepunkt for helsehjelp
- Vågåheimen, Moavegen 11 A, 2680 Vågå. (Telefon: 476 15 700)
Informasjonspunkt
Kriseleiinga vil fortløpande etablere andre informasjonspunkt avhengig av hending og omfang.
Elektronisk kommunikasjon (ekom) omfattar tenester og infrastruktur som gjer det mogleg å overføre informasjon via elektroniske signal, som mobiltelefoni, fasttelefoni, internett, breiband og trådlaust nettverk. Ved bortfall kan desse tenestene heilt eller delvis slutte å fungere, til dømes som følgje av straumbrot, teknisk svikt, cyberangrep eller naturhendingar.
Føremålet med informasjonspunktet er å gje innbyggjarane tilgang til oppdatert informasjon frå kommunen når elektronisk kommunikasjon ikkje fungerer. Informasjonspunktet kan òg fungere som ein stad der du kan melde frå om akutte hendingar eller situasjonar som kan formidlast vidare til naudetatane.