Vågå kommune nyttar varslingstenestar frå F24 for å sende ut viktig informasjon om mellom anna vassforsyning, avløp, veg og andre hendingar som kan påverke innbyggarar og eigedomar.
Eigedomseigarar med folkeregistrert adresse i kommunen blir normalt fanga opp automatisk av varslingstenesta. Dersom du eig fritidsbustad eller annan eigedom i Vågå kommune, er det viktig at du registrerer deg på VarsleMeg.no for å sikre at du får relevante varsel.
Dette er særleg viktig for deg som har kommunal vatn- og avløpsteneste til fritidsbustaden. Ved vassavstenging, kokevarsel, leidningsbrot eller andre driftsforstyrringar kan kommunen då varsle deg direkte.
Vi oppmodar alle eigarar av fritidsbustader og andre eigedomar i kommunen om å gå inn på VarsleMeg.no og registrere eigedomen sin. Då sikrar du at du får viktig informasjon når det oppstår hendingar som kan påverke deg eller eigedomen din.
Registrering tek berre nokre få minutt.