Vågå kommune har ansvar for heilårsdrift, vedlikehald og forvaltning av dei kommunale vegane, samt gater, gang- og sykkelvegar og fortau. Vi samarbeider med lokale entreprenørar om oppgåver som brøyting, strøing, kantslått, asfaltering og drift av gatelys.
Vegnettet i Vågå består av riksvegar (Statens vegvesen), fylkesvegar (Innlandet fylkeskommune), kommunale vegar (Vågå kommune) og private vegar (grunneigarar).
Samordning og samarbeid er viktig i arbeidet for å vedlikehalde vegnettet til beste for brukarane. Kommunen samarbeider derfor både med fylke og stat, med den enkelte trafikant, med aktørar i skulane, friviljuge organisasjonar, ulike vel-lag og bustadområde og med næringslivet i kommunen.
Kommunen ansvar for trafikksikringsarbeid, oppfølging av entreprenørar som gjer arbeid på og ved kommunale vegar, gravemeldingar, bomvegar og gatelys. Kommunen har vedlikehaldskontrakt med lokale entreprenørar. Kontraktane med entreprenørane set klare rammer for vedlikehaldet, til dømes når brøyting skal utførast.
Døme på oppgåver gjennom året:
- Vårrensk av vegar, sluk og kummar
- Vedlikehald, asfaltering, kantslått, oppmerking, ferister og reinhald
- Oppsetjing av brøytestikkar og anna vinterførebuing
- Brøyting, strøing, bortkøyring av snø og tining av stikkrenner
- Drift og vedlikehald av gatelys
Arbeidet er regulert av:
Arbeidet er regulert av Veglova, Vegtrafikklova og andre nasjonale standardar og forskrifter for arbeid på og ved veg.
Sist endret 30.04.2026 13.38