Adresse og bustadsnummer

Den offisielle adressa til ein eigedom kan vere éin av desse to typane:

• Vegadresse: basert på vegnamn og husnummer
• Matrikkeladresse: brukt unntaksvis, basert på gards- og bruksnummer

Eigedommar med fleire brukseiningar – som bustadblokker – får i tillegg eit brukseiningsnummer for kvar bueining (leilegheit, hybel osv.).

Kommunen har som mål at alle eigedomar det er viktig å finne fram til, skal få ei vegadresse. Ei vegadresse består av:

• vegnamn
• husnummer (partal på éi side av vegen, oddetal på motsett side)

I enkelte tilfelle – ofte mellombels – blir eigedomar tildelte ei matrikkeladresse. Denne typen adresse brukast når det ikkje er naturleg med vegnamn og husnummer.

Ei matrikkeladresse består av:

• gardsnummer (gnr.)
• bruksnummer (bnr.)
• eventuelt festenummer (fnr.)
• og/eller seksjonsnummer (snr.)

Døme: 123/1/0/0 (gnr./bnr./fnr./snr.)

I bustadblokker og andre fleirbustadhus er det vanleg at kvar inngang har éi adresse. For at kvar enkelt bueining skal vere identifiserbar, blir det tildelt eit brukseiningsnummer (tidlegare kalla bustadnummer).

Brukseiningsnummeret består av:

• ein bokstav
• fire tal

Slik er det bygd opp:

• Bokstav + dei to første tala viser kva etasje bustaden ligg i
• Dei to siste tala viser nummeret på bueininga i etasjen (frå venstre mot høgre)