Søk ferdigattest når du er ferdig

Når du er ferdig med å bygge, må du hugse å gi beskjed til kommunen om kva som er bygd. Dette gjeld både små og store tiltak.

For tiltak som krev søknad, må du ha fått ein ferdigattest eller eventuelt eit mellombels bruksløyve før du tek bygget i bruk.

Vi treng informasjon om alle bygningar i kommunen for å halde oversikta oppdatert – både til bruk i kart og til planlegging framover.

Ferdigattest for tiltak med søknadsplikt

Tiltak som er søknadspliktige, skal som hovudregel avsluttast med ein ferdigattest. Ferdigattesten viser at bygget er ferdig, og at det er oppført i tråd med godkjenninga og gjeldande reglar.

Slik søker du ferdigattest

Fyll ut skjemaet Skjema for ferdigattest og send det til Vågå kommune.

Mellombels bruksløyve

Viss det står att berre mindre arbeid før bygget er heilt ferdig, kan du søke om mellombels bruksløyve. Du kan ikkje ta i bruk bygget før dette løyvet er gitt. 

Skjema for mellombels bruksløyve

Melding om tiltak som er unnateke søknadsplikt

Har du ført opp noko som ikkje krev søknad, må du likevel gi melding til kommunen når arbeidet er fullført. Dette gjer du ved å fylle ut skjemaet Melding om tiltak

Kvar skal skjema sendast

Skjema sendast til Vågå kommune 

Per e-post til:

postmottak@vaga.kommune.no 

Per post til:

Vågå kommune, Edv. Stormsveg 2, 2680 Vågå

Kor lang tid tek det?

Behandlingstida for ferdigattest er normalt inntil 3 veker.

Sjå gebyrlista for prisar