Treng du å sende byggesøknad?

Du må sjekke søknadsplikt dersom du skal gjere eitt av desse tiltaka:

• Sette opp ny bygning (hus, garasje, bod, tilbygg, påbygg osv.)
• Gjere vesentleg endring eller større reparasjon av bygg
• Endre fasaden (materialbruk, dører, vindauge osv.)
• Gjere bruksendring – til dømes frå bod til soverom
• Rive bygningar eller konstruksjonar
• Installere tekniske anlegg (som ventilasjonssystem)
• Dele opp eller slå saman brukseiningar
• Setje opp gjerde mot veg
• Sette opp skilt og reklame
• Plassere mellombelse bygg, konstruksjonar eller anlegg
• Gjere større terrenginngrep
• Lage veg, parkeringsplass eller landingsplass
• Opprette eller endre eigedomsgrenser (deling, arealoverføring m.m.)
• Gjere hovudombygging

Alle tiltak over er søknadspliktige med mindre dei er uttrykkeleg unntatt.

Det finst tre kategoriar tiltak:

1. Søknadsplikt med krav om ansvarleg foretak (proffar må gjere jobben)
2. Søknadsplikt som tiltakshavar kan stå for sjølv
3. Tiltak som er heilt unntatt frå søknadsplikt

Dei fleste større tiltak krev at fagfolk med ansvarsrett tek seg av søknaden, prosjekteringa og sjølve bygginga. Dette gjeld til dømes:

• Nybygg
• Tilbygg og påbygg
• Store fasadeendringar
• Installasjon av tekniske anlegg
• Riving av større bygg

Desse tiltaka krev søknad, men du treng ikkje bruke ansvarleg foretak:

• Mindre tiltak på bebygd eigedom (små tilbygg, mindre bygg, enkle endringar)
• Alminnelege driftsbygningar i landbruket
• Mellombelse bygg/anlegg som skal stå i inntil 2 år
• Oppretting av grunneiendom og nokre eigedomsendringar
• Andre mindre tiltak som kommunen meiner er trygge å gjere sjølv

Dersom tiltaket er i tråd med gjeldande plan, kan du gjere det utan å søkje når det gjeld:

Små bygg eller byggverk

• Mindre frittliggande bygg som ikkje kan brukast til bebuelse (bod, leikehus m.m.)
• Litt større bygg som heller ikkje skal brukast til bebuelse eller varig opphald, og som ikkje har kjellar
• Mindre landbruksrelaterte byggverk

Enkle endringar

• Mindre tiltak på eksisterande bygg
• Mindre tiltak utandørs
• Fasadeendringar som ikkje endrar bygningens karakter
• Tilbakeføring av fasade til tidlegare dokumentert utforming

Andre tiltak

• Tiltak kommunen meiner er små nok til å vere unntatt
• Mellombelse bygg/anlegg som skal stå kortare enn 2 månader
• Visse grenseendringar og eigedomstiltak etter matrikkellova (jordskifte, grensejusteringar m.m.)

Merk: Sjølv om tiltaket er unnateke frå søknad etter plan- og bygningslova, kan du framleis trenge løyve frå andre myndigheiter (t.d. vegvesen, landbruk, kulturminnemyndigheit).

Her finn du nokre lenker som kan vere nyttige:

• Informasjonsblad for byggesøknad
• eByggesak sin rettleiar
• Alle skjema for byggesak
• Kva planar som gjeld for din eigedom kan du sjå via planinnsyn og plankart
• Åtte steg frå idé til ferdig søknad - Direktoratet for byggkvalitet
• Slik søker du om byggeløyve 
• Må du søke om løyve til bruksendring?

eByggesak kan hjelpe deg på veg.

• Gå til eByggesak - Privat
• Gå til eByggesak - Bedrift