Tilskotsordningar jordbruk

Her finn du svar på vanlege spørsmål om tilskot og støtteordningar i landbruket. Oversikta gir deg ei enkel innføring i kva ordningar som finst, og kva du kan søkje om.

Samleoversikt over ulike tilskot- og støtteordningar

Produksjons- og avløysartilskot i jordbruket (PT)

Føretak som driv vanleg jordbruksproduksjon og er registrert i Enhetsregisteret, kan søkje om produksjonstilskot og avløysartilskot.

Produksjonstilskot blir utbetalt éin gong i året (i februar).

Ordninga omfattar tilskot til:

areal
husdyr
økologisk landbruk
dyr på beite
driftstilskot i mjølkeproduksjon
tilskot til små og mellomstore mjølkebruk
driftstilskot til kjøttproduksjon på storfe
bevaringsverdige husdyrrasar
avløysartilskot for ferie- og fritid

Søknadsfristar:

15. mars (berre husdyr)
15. oktober (husdyr, areal og avløysar)

Les meir hos Landbruksdirektoratet.

Regionale miljøtilskot (RMP)

Innovasjon Noreg (IBU-midlar)

Du kan søkje om investeringstilskot og støtte til tilleggsnæring gjennom Innovasjon Noreg.

Tradisjonelt landbruk:

Det kan givast tilskot til investeringar i driftsbygningar og anlegg. Søkjaren må ha ein viss produksjon, og prosjektet må ha potensial for lønnsam drift.

Tilleggsnæring:

Du kan søkje tilskot og/eller lån dersom du vil starte ny næring på garden.
Du må søkje før prosjektet startar. Det er ikkje mogleg å få støtte i ettertid.

Les meir og finn søknadsskjema hos Innovasjon Noreg.

Tilskot til avløysing ved sjukdom og fødsel

Ordninga dekkjer kostnader til avløysing ved:

eigen sjukdom eller skade
sjukdom eller skade hos barn
svangerskap og fødsel
adopsjon eller omsorgsovertaking
dødsfall

Husdyr-, plante- og honningprodusentar kan få refundert utgifter til leige av arbeidskraft innanfor visse rammer.

Kort om ordninga:

Føretak med husdyr eller heilårs veksthusproduksjon kan få tilskot heile året
Plante- og honningprodusentar kan få tilskot i onnetida (vanlegvis 15. april til 1. oktober)

Vilkår:

Føretaket må vere registrert i Enhetsregisteret og drive vanleg jordbruksproduksjon
Den som blir avløyst må ha hatt næringsinntekt frå føretaket dei to siste likningsåra
For enkeltpersonføretak (ENK) er det ikkje krav til inntektsnivå
For avdøde brukarar, deltakarar i DA/ANS og ektefelle til innehavar av ENK krevst minst ½ G i gjennomsnittleg næringsinntekt

Søknadsfrist:

Seinast eitt år etter siste dag i perioden du søkjer for

Les meir og finn søknadsskjema hos Landbruksdirektoratet.

Tilskot ved produksjonssvikt

Du kan få erstatning ved avlingssvikt som kjem av klimaforhold du ikkje kan sikre deg mot, til dømes tørke, mykje nedbør, flaum eller frost.

Avlingssvikta må vere på minst 70 % av normal avling. Du må sjølv dekkje ein eigendel på 30 %.

Du må melde frå til kommunen så snart skaden oppstår, slik at det er mogleg å kontrollere arealet.

Søknadsfrist: 31. oktober

Statsforvaltaren behandlar søknaden og utbetaler eventuell erstatning.

Ta kontakt med landbrukskontoret dersom du treng hjelp med søknaden.

Les meir hos Landbruksdirektoratet.

Tidlegpensjon for jordbrukarar

Du kan få tidlegpensjon dersom:

du er fylt 62 år
du har overdrege landbrukseigedomen til ny eigar

Ordninga gjeld fram til du fyller 67 år.

Ektefelle eller sambuar som er 57 år eller eldre, kan også få tidlegpensjon i same periode.

Dokumentasjon som må leggjast ved:

utskrift av likninga frå 2 til 7 år før søknaden
kopi av tinglyst skøyte

Du kan få førebels avklaring før du overfører eigedomen.

Les meir hos Landbruksdirektoratet.

Tilskot til tiltak i beiteområde

Ordninga skal:

leggje til rette for betre utnytting av beite i utmark
redusere tap av dyr
fremje samarbeid i beiteområde

Sel og Vågå kommunar har fått følgjande midlar for 2026:

Sel kommune: 96 000 kr
Vågå kommune: 161 000 kr

Du kan mellom anna søkje om tilskot til:

investeringar i beiteområde
elektronisk overvaking (til dømes Nofence, Monil, Telespor)

Les meir og finn søknadsskjema hos Landbruksdirektoratet (Tilskot til tiltak i beiteområde).

Søknadsfrist: 1. juni

Tilskot til spesielle miljøtiltak i jordbruket (SMIL)

Formålet med ordninga

Kva kan du få tilskot til?

Søknadsfristar

Kven kan søkje?

Krav til søkjar

Prioriterte tiltak

Kulturlandskap

Fjerning av gamal piggtråd og netting
(eigen sats: 20 kr per meter)
Rydding og inngjerding av gamal kulturmark som skal brukast til beite
(gjeld areal det ikkje er søkt produksjonstilskot på)
Rydding av stiar og gamle ferdselsvegar

Kulturminne og kulturmiljø

Verneverdige bygningar (SEFRAK-registrerte) og kulturminne
(til dømes stabbur, utløer, seterhus, stall)
Hus som ikkje er i dagleg bruk
Våningshus og kårhus med antikvarisk verdi (lågare prioritet)

Tilskot:

inntil 35 % av godkjende kostnader
maks 200 000 kr per bygning

Andre tiltak

Utekveer og samleplassar for beitedyr
Permanente lagerplassar for rundballar
Etablering av fangdammar

Tilskot:

inntil 35 % av godkjende kostnader
eller maks 30 000 kr per tiltak

Meir informasjon og søknad

Kommunal landbruksfond

Det er avsett kr. 250.000,- til ei kommunal tilskotsordning for landbruket i hhv. Sel og Vågå.

(sist endra i Vågå 19.03.2025 og 24.5.2022 i Sel)

Føremål med tilskotsordninga

Virkeområde

Tilskot kan gjevast til

Jordbrukstiltak:

Vassvegar/damanlegg/vatningsanlegg
nydyrking (berre i Sel), grøfting
støtte til mindre investeringar til utbetring/ ombygging av driftsbygningar som ikkje får støtte hjå Innovasjon Norge
ulike planleggingstiltak inkl geolog/geoteknikkar (berre i Sel)
solcellestraum (berre i Sel)
tilskot til tilrettelegging for naudstraumsaggregat (berre i Vågå).

Skogbrukstiltak:

Ungskogpleie
nyanlegg/ombygging av skogsvegar
drift i bratt terreng.

Diverse:

Tilskott til omdømmebygging.

Generelle reglar for støtte

Det blir gjeve tilskott til nyinvestering, ikkje til årlege driftskostnader.

Tiltaket skal ikkje vera påbegynt før søknadsåret.

Søknader blir behandla fortløpande i Sel og søknadsfrist 1. februar i Vågå.

Fellestiltak vil bli prioritert om tilskotsramma blir for lita.

Dersom eit tiltak har fått løyvd statleg støtte skal ikkje det kommunale og statlege tilskotet overstige 50%. Det er unntak for ungskogpleie, der det kommunale og statlege tilskottet kan utgjere inntil 75%.

Det skal liggja ved plan, kostnadsoverslag og finansieringsplan til søknaden.

Minste tilskottsgrunnlag for tiltaka: nyanlegg veger, bygningsinvesteringar og vassvegar/damanlegg/vatningsanlegg er kr. 20.000, kr. 10 000 for tilrettelegging for naudstraumsaggregat i Vågå.

Tilskottet blir utbetalt etterskottsvis etter tilvising frå landbrukskontoret. Tilskottet blir utbetalt etter rekneskap.

Sel

Ved fellesanlegg med store kostnadar og mange deltakarar bør det kunne reisast politisk sak for å vurdere om maksimal støttesats på kr. 40 000,- kan overskridast.

Vågå

Der det er fleire enn ein deltakar i anlegget, kan det maksimale tilskottet aukast med 5 000 kr pr. deltakar, men ikkje meir enn til 45 000 kr.

Reglar for dei ulike tiltaka

Nydyrking (berre i Sel):

Vassvegar/damanlegg/vatningsanlegg:

Det kan gjevast tilskott til fast vatningsanlegg. (restaurering av gamle vassvegar, damanlegg og nytt vatningsanlegg).
Det blir ikkje gjeve tilskott til vatningsvogn og anna spreieutstyr.
Det skal takast omsyn til kulturlandskap og kulturminne.
Fellestiltak for omlegging til naturleg trykk vil bli prioritert.
Det kan gjevast tilsegn om inntil 30% av kostnadsoverslaget, maksimalt kr. 40 000/30 000 (Sel/Vågå),- pr. søknad.

Grøfting:

Det kan gjevast tilskott til grøfting.

Tilskott til drenering av jordbruksjord, avgrensa til systematisk grøfting, profilering og omgraving utgjer 4000 kroner pr dekar. Ved anna grøfting kan det bli gitt 61 kroner pr løpemeter grøft avgrensa oppad til 4000 kroner per dekar.
Maksimalt tilskott kr. 40 000/30 000,- pr. søknad

Det skal ligge føre ein plan og kostnadsoverslag for tiltaket som er godkjent av landbrukskontoret

Bygningsinvesteringar:

Det blir gjeve støtte på inntil 30 % av kostnadsoverslag maksimalt kr. 40 000/30 000 i støtte til mindre investeringar til utbetring/ ombygging av driftsbygningar som ikkje får støtte hjå Innovasjon Norge:

Følgjande vilkår må liggje til grunn:

Det skal ligge føre ein plan og eit kostnadsoverslag for investeringa.
Det er eit krav at søkjar får produksjonstilskott.
Der det ligg føre krav om offentlege godkjenningar eller løyve skal desse ligge ved søknaden
Dersom det vert løyvd statleg tilskott vert det kommunale tilskottet redusert tilsvarande statstilskottet.
Før utbetaling kan gjennomførast skal det liggje føre rekneskap for tiltaket og tiltaket
skal vere sluttgodkjent av landbrukskontoret

Ungskogpleie:

Tilskott kan gjevast til nødvendig etterarbeid og ungskogpleie (manuell og motormanuell rydding av gras, lauvkratt og avstandsregulering i etablerte foryngingar).
Kommunalt tilskott til etterarbeid kan gjevast med inntil 30% av kostnaden. Tilskott blir ikkje gjeve til kostnader som er høgre enn det som er normalt ved ei rasjonell arbeidsordning. Det maksimale kostnadstaket som kan gje grunnlag for tilskott følgjer det til kvar tid gjeldande taket for statstilskott.
Tilskottet blir gjeve på vilkår av at fleirbruksomsyn som er nedfelt i skogbrukslova med forskrifter, blir fylgd.

Tilskot til ungskogpleie utbetalast etterskotsvis. Det setjast av kr. 40 000 til dette føremålet.

Skogsvegar:

Tilskottet gjeld både nybygging og ombygging av eksisterande veg. Ved ombyggingar det krav at vegstandarden skal hevast minst ei vegklasse. Vegen skal vera planlagt av fagfolk og godkjent i alle instansar før tilskott kan løyvast.
Vegen skal byggjast i samsvar med ”Normaler for landbruksveier med byggebeskrivelse” utgjeve av Landbruksdepartementet i 1997.
Minste tilskottsgrunnlag er kr. 20 000,-
- Det kan gjevast tilsegn om inntil 30 % av kostnadsoverslaget, maksimalt kr. 40 000/30 000,- pr. søknad. Det er eit vilkår at interessentane held vegen vedlike.

Taubanedrift i bratt terreng:

Tilskot kan gjevast til slepebane-/taubanedrifter. Kriteria for tilskot følgjer det statlege regelverket.
Felta skal godkjennast på førehand av kommunen. Det er eit vilkår at det er eit fornuftig driftsopplegg som tek omsyn til framtidig drift av heile området.
Tilskott blir gjeve med inntil kr 50,- pr m3, maksimalt kr. 40 000/30 000,- pr. drift. Kommunen vil kontrollere felta før utbetaling av tilskot.

Drift i mellomvanskeleg terreng:

Ordninga gjeld for motormanuell drift med traktor og vinsj.

Tilskot blir berre gjeve i område som er avsett til landbruksformål i arealplanen og som fortsatt skal brukast til skogbruksformål. Det er eit vilkår at det vert sørga for tilfredsstillande forynging av hogstfeltet.
Drifta skal førehandsgodkjennast av kommunen. Det er eit vilkår at det er eit fornuftig driftsopplegg som tek omsyn til framtidig drift av heile området.
Lilengda må vere minst 50 meter og ha gjennomsnittleg helling minst 40%.
- (Areal inntil 3 daa med mindre helling innanfor driftsområdet kan inngå når dette må drivast saman med det bratte området).
Tilskot kan gjevast til rundvirke av gran og furuvirke som er levert for sal og innrapportert til VSOP-basen. Minste kvantum er 40 m3.
For drift i mellomvanskeleg terreng blir det gjeve støtte med kr. 100 pr. m3, maksimalt kr. 40 000/30 000,- pr. drift.
Kommunen skal kontrollere at tiltaket er gjennomført i tråd med vilkåra før tilskotet blir utbetalt.

Tilskot til 1. gongs manuell tynning:

Tilskot til solcellestraumproduksjon (Berre i Sel):

Omdømmebygging:

Berre i Sel:

Berre i Vågå

Alle løyvingar om tilskott blir gjeve med eit vilkår om at løyvinga gjeld i tre år frå vedtaksdato, med mogelegheit for forlenging 1 + 1 år, etter søknad.

Sist endret 07.05.2026 19.11

Hei! Kva ser du etter?

Samleoversikt over ulike tilskot- og støtteordningar

Tilskot til spesielle miljøtiltak i jordbruket (SMIL)

Kommunal landbruksfond