Om skogbrukstenesta
Landbrukskontoret skal stimulere og leggje til rette for skogbruksnæringa, slik at skogeigarar får god rettleiing og kan nytte dei ulike ordningane som finst.
Ei viktig oppgåve er også å bidra til næringsutvikling i skogbruket, mellom anna gjennom utvikling av sortiment, omsetjingsformer og produkt som er tilpassa tømmerkvaliteten i Nord-Gudbrandsdalen.
Kommunen er fagmyndigheit i fleire saker knytte til skogbruk, til dømes:
- frådeling av skogareal
- oppdyrking av skogsmark
- bygging av skogsvegar
- løyve til hogst i vernskog
Skoginfo (PDF, 2 MB)
Tilskot til skogbruk
Det blir gitt tilskot til ulike skogbrukstiltak frå staten (NMSK) og kommunen for å stimulere til auka aktivitet og verdiskaping i skogbruket.
Tilskotsordningane blir oppdaterte årleg.
Les meir om tilskotsordningane i Skoginfo (PDF, 2 MB)
Landbruksvegar
Bygging og ombygging av landbruksvegar er søknadspliktig og må godkjennast av kommunen før arbeidet startar.
Dette gjeld:
- nybygging av veg
- ombygging av eksisterande veg
- oppgradering til betre vegklasse etter «Normaler for landbruksveier»
Søknad skal sendast på eige skjema.
Landbrukskontoret legg søknaden fram for relevante fagområde i kommunen og for kulturminne- og miljømyndigheiter. Saksbehandlingstida kan vere opptil 2–3 månader.
Det kan søkjast om statleg og kommunalt tilskot til bygging og opprusting av skogsvegar. Ta kontakt med landbrukskontoret for meir informasjon.
Skogfond
Skogfond er ei ordning som skal sikre finansiering av berekraftig forvaltning av skogressursane, og gi skogeigarar betre grunnlag for langsiktige investeringar.
Skogeigarar er pliktige til å setje av mellom 4 og 40 % av bruttoverdien ved sal av tømmer og biobrensel til skogfond.
Ved bruk av skogfondsmidlar er 85 % skattefritt, noko som gjer ordninga svært gunstig.
Kva kan skogfond brukast til?
Skogfond kan mellom anna nyttast til:
- skogkulturtiltak (planting og ungskogpleie)
- bygging og ombygging av skogsvegar og velteplassar
- vedlikehald av skogsbilvegar
- miljøtiltak i skog (t.d. kantsoner)
- skogbruksplanlegging
- bioenergianlegg og utstyr
- forsikring av skog
- kurs knytte til skogbruk
- oppmerking av eigedomsgrenser
Ordninga kan også dekkje meirverdiavgift for tiltaka, men utan skattefordel.
Les meir om skogfond