Informasjon om spelemidlar og prosess
Alle som søkjer spelemidlar, må vere registrerte i Einingsregisteret og ha organisasjonsnummer. Anlegget må vere ein del av kommunal plan for idrett og fysisk aktivitet. Unntaket er orienteringskart og skilting/merking av eksisterande turløyper og turstiar. Dersom det er eit nytt anlegg som skal lagast, må dette opprettast først av saksbehandlar i kommunen. Det er berre anleggseigar som kan søkje tilskot.
All informasjon finn du i heftet: "Bestemmelser om tilskudd til anlegg for idrett og fysisk aktivitet", her kan det vere endringar fra år til år.
Det er to typar anlegg:
Eit ordinært anlegg kan vere både for eigenorganisert og organisert aktivitet, og kan få tilskot på inntil 1/3 av totalkostnaden.
Nærmiljøanlegg får som regel raskare tilskot enn ordinære anlegg, dette fordi dei som regel er mindre kostnadskrevjande, og det er òg ein eigen pott for nærmiljøanlegg.
Utandørs mindre anlegg med nær tilknyting til folk sin bustad, der ein kan drive eigenorganisert aktivitet. Kan få inntil 50 % av totalkostnaden på anlegget.
Ordinære anlegg har i snitt 4 års ventetid på å få spelemidlar. Idrettsrådet i kvar kommune har ei rådgjevande rolle, og kjem med tilbakemelding på prioriteringa av søknader, før den enkelte saksbehandlar i kvar kommune sender inn prioriteringar til fylkeskommunen i januar kvart år.
Krav til dokumentasjon
- Informasjon om søkjarorganisasjon, kontaktinformasjon og kontonummer
- Informasjon om kva som skal byggjast/rehabiliterast
- Behovsvurdering, vedlegg nr. 7 i «Bestemmelser om tilskudd til anlegg for idrett og fysisk aktivitet»
- Målsatte planteikningar, krav om universell utforming
- Oversikt over kostnader, blir fylt inn i søknadsskjemaet. Merk at det ikkje er alle kostnader som er søknadsberettiga
- Søknadsbeløp og øvrig finansiering. All finansiering må dokumenterast
- Gards- og bruksnummer. Avtalar med private grunneigarar som ikkje er tinglyste, må leggjast ved
Alle søknader som framleis ikkje har fått tilsegn om spelemidlar, må fornyast kvart år. Har anlegget allereie fått tilskot, skal søknaden gjentas. Søknaden kan endrast frå år til år dersom det er behov, til dømes ved endringar i kostnader. Søknaden ligg i www.anleggsregisteret.no, så det er berre å justere og sende inn på nytt.
Sjå utfyllande informasjon
Informasjon i anleggsregisteret
Føresegner frå Kulturdepartementet
Om momskompensasjon for anlegg frå lotteri- og stiftelsestilsynet
Søknad
Søknader leveres elektronisk på anleggsregisteret sine sider. Her finn ein også skjema som skal nyttast, til dømes reiknskapsskjema ved rapportering og utbetaling. Dette skjer elektronisk.
Søk om spelemidlar i anleggsregisteret
Rettleiing
Kommunen ønskjer å vere aktivt involvert og leggje til rette for informasjon, rettleiing og kontroll av planane undervegs i søknadsprosessen.