Undervisningstilbod

Karusell er eit tilbod for dei yngste elevane i kulturskulen, primært for 1.–2. klasse.

Elevane får prøve ulike kunstuttrykk gjennom året, slik at dei kan utforske interesser og oppleve skaparglede på ein trygg og variert måte.

Slik fungerer Karusell:

• Undervisninga er delt i fire stasjonar: musikk, teater, dans og visuell kunst
• Elevane er om lag 8–9 veker på kvar stasjon
• Mindre justeringar kan kome på grunn av fridagar i løpet av året

Tidspunkt (2026/27):

• Torsdagar rett etter skuletid
• Dans går på onsdagar (av omsyn til lærar)

Kva lærer elevane?

Målet med Karusell er å:

• gi elevane gode kunst- og kulturopplevingar
• skape tryggleik og glede i gruppa
• gi eit grunnlag for seinare val i kulturskulen

Innhald i undervisninga

Teater

• Leikbasert undervisning med fokus på fantasi og uttrykk
• Arbeid med kropp, stemme, samspel og enkle roller
• Enkel vising eller open time for foreldre på slutten

Musikk

• Utforsking av musikk gjennom song og enkle instrument
• Elevane får prøve blant anna gitar, piano og trommer
• Samspel og kombinasjon med dans og teater

Dans

• Kreativ rørsle og utforsking av dans til musikk
• Fokus på samarbeid, tryggleik og respekt

Kunst

• Arbeid med ulike materiale og teknikkar
• Teikning, måling, klipping, liming og enkle tekstilarbeid

Lærarar og kontakt

Det er fire lærarar som følgjer elevane gjennom Karusell:

Paulo Macamo (musikk og assistent på alle stasjonar)
Kontaktpunkt ved spørsmål eller fråvær: tlf. 916 84 376

Eldri Tofte (dans) – tlf. 919 16 264

Sigrid Blekastad (kunst) – tlf. 902 97 186

Anita Moe (teater) – tlf. 901 58 217

Handverkslab

Handverkslab er eit nytt tilbod i kulturskulen frå hausten 2025.

Tilbodet held fram i skuleåret 2026/2027.

Gjennom skuleåret kan elevane få vere med på opptil fire ulike handverkskurs. Kvart kurs går over åtte veker og har plass til seks deltakarar.

Slik fungerer det:

• Du melder deg på Handverkslab
• I søknaden skriv du kva teknikkar du er mest interessert i
• Dei mest etterspurde kursa blir sett opp det aktuelle skuleåret
• Alle påmelde får tilbod om plass på kurs
• Materialkostnader er inkludert i kursprisen

Moglege kurs:

• glaskunst
• keramikk
• trearbeid
• lærarbeid
• visuell kunst
• smiing
• knivmaking
• veving

Undervisninga vil gå på ulike stader, avhengig av kurs. Tilbodet blir gjennomført i samarbeid med lokale aktørar som Håndverkshagen på Lalm, Vågå husflidslag, Ullinsvin, Ulu of Norway og keramiker Nina Andrea Standerholen.

Bunad / festdrakt

Kulturskulen tilbyr også kurs i saum av bunad eller festdrakt.

På dette kurset får elevane:

• sy sin eigen bunad eller festdrakt
• velje materiale sjølve
• tett oppfølging frå faglærar

Praktisk informasjon:

• Varigheit: eitt skuleår
• Tid: to timar kvar veke etter skuletid
• Stad: Håndverkshagen på Lalm
• Lærar: bunadstilverkar Heidi Løkken Karsten

Det blir gitt støtte til material på opptil 2000 kr. Eventuelle ekstra materialkostnader må dekkjast av deltakar sjølv.

Likar barnet ditt å leike, utforske og skape saman med andre? Då kan teater vere eit godt val!

Teaterundervisninga går føre seg i gruppe og er ein sosial og kreativ aktivitet der elevane får utvikle seg gjennom leik, samarbeid og scenearbeid.

Kva lærer elevane?

Elevane får øve på å uttrykkje seg:

• med kropp og stemme
• åleine og saman med andre
• i ulike roller, kjensler og situasjonar

Vi jobbar med grunnleggjande teaterteknikkar som:

• rørsle og kroppskontroll
• pantomime og improvisasjon
• innleving og konsentrasjon
• samspel og gruppemedvit
• stemmebruk og tekstarbeid

Målet er at kvar elev skal finne sitt eige uttrykk, og utvikle ferdigheiter dei kan bruke både på scena og i kvardagen.

Dette kan teater gi elevane

Gjennom teaterarbeidet får elevane:

• auka sjølvtillit og uttrykksevne
• oppleving av meistring og skaparglede
• betre evne til samarbeid og empati
• trening i kreativitet og kritisk tenking

Praktisk informasjon

Tilbod:

• Barneteater: 4.–6. steg
• Ungdomsteater: frå 7. steg

Organisering:

• Undervisning i grupper (maks 14 elevar)
• Gruppene blir sett saman etter alder, tal på elevar og erfaring
• Skuleåret går frå august til mars/april, med framsyning til slutt
• 1–2 framsyningar i løpet av året

Føresette: Føresette må rekne med å bidra med kostyme, rekvisittar og scenografi i samband med framsyningar.

Lærar:

• Anita Moe

Likar barnet ditt å røre på seg, vere kreativ og danse til musikk? Då kan dans vere eit fint tilbod!

Kva tilbyr vi?

• Moderne dans for barn (3.–6. steg)
• Moderne dans for ungdom (frå 7. steg)

Undervisninga er ei blanding av jazzdans, moderne dans og kreativt arbeid, til variert og engasjerande musikk.

Kva skjer i dansetimane?

Ein vanleg time inneheld:

• Oppvarming
• Styrke- og tøyeøvingar
• Dansesekvensar over golvet (i gruppe og individuelt)
• Arbeid med koreografi eller kreativ utforsking

Mål med undervisninga

• Gi elevane danseglede og gode opplevingar
• Skape ein trygg arena for læring
• Utvikle samarbeid og fellesskap i gruppa
• Bidra til at alle kjenner seg inkluderte

God kommunikasjon og eit trygt læringsmiljø er viktig for at elevane skal trivast og utvikle seg.

Framsyningar og samarbeid

• Elevane er med på danseframsyningar i løpet av året
• Nokre gonger samarbeider danse- og teaterelevar om større framsyningar
• Elevane deltek også på felles danseframsyningar i regionen saman med andre kulturskular

Lærar

• Eldri Tofte

Bassgitar passar for elevar frå 3. klasse og oppover.

Undervisninga i gitar og bass i kulturskulen er allsidig, og elevane kan utforske mange ulike musikksjangrar, som rock, pop, jazz, funk og afromusikk.

Du er velkomen enten du er nybyrjar eller har spela før. Undervisninga blir tilpassa nivået til kvar enkelt elev.

Kva lærer elevane?

Elevane får arbeide med:

• speleteknikk
• rytme og timing
• akkordar og skalaer
• improvisasjon
• innøving av låtar

I tillegg får elevane moglegheit til å:

• spele saman i samspelgrupper
• delta på konsertar og arrangement i regi av kulturskulen

Instrument

Du kan spele:

• elbass
• (eventuelt også akustisk, halvakustisk eller el-gitar i kombinerte tilbod)

Kulturskulen har nokre få instrument til utlån, men vi tilrår at elevane skaffar eige instrument og eventuell forsterkar etter kvart.

Lærar

• Paulo Macamo

Gitar passar for elevar frå 3. klasse og oppover.

Undervisninga i gitar og bass i kulturskulen er allsidig, og elevane kan utforske ulike musikksjangrar som rock, pop, jazz, funk og afromusikk.

Du er velkomen anten du er nybyrjar eller har spela før. Undervisninga blir tilpassa nivået til kvar enkelt elev.

Kva lærer elevane?

Elevane får arbeide med:

• speleteknikk
• akkordar og skalaer
• rytme og timing
• improvisasjon
• innøving av låtar

I tillegg får elevane moglegheit til å:

• spele saman i samspelgrupper
• delta på konsertar og arrangement i regi av kulturskulen

Instrument

Du kan spele:

• akustisk gitar
• halvakustisk gitar
• el-gitar

Kulturskulen har nokre instrument til utlån, men vi tilrår at elevane etter kvart skaffar eige instrument og eventuell forsterkar.

Lærar

• Paulo Macamo

Vokalundervisning passar for elevar frå 4. klasse og oppover.

Dette er individuell undervisning for elevar som ønskjer å syngje og utvikle stemma si vidare. Undervisninga blir tilpassa nivå og behov hos den enkelte.

Kva lærer elevane?

Elevane får arbeide med:

• grunnleggjande songteknikk
• pust og klang
• formidling og uttrykk
• enkle musikkomgrep og notekunnskap
• oppbygging av eige repertoar

Stemma er instrumentet vårt, og elevane lærer både korleis dei kan bruke ho på ein god måte og korleis dei tek vare på ho.

Samspel og konsertar

• Elevane blir oppmoda til å delta på konsertar og arrangement
• Dei får trening i å opptre og formidle til publikum
• Det blir også moglegheit til å syngje saman med andre, til dømes i samarbeid med bandinstrument

Å opptre er ein viktig del av det å vere kulturskuleelev, og gir verdifull erfaring og meistringskjensle.

Lærar

• Paulo Macamo

Pianoundervisning passar for elevar frå 7 år og oppover.

Dette er individuell undervisning der elevane får utvikle seg innan eit breitt spekter av musikk – frå klassisk piano til enklare akkompagnement (besifringsspel).

Kva lærer elevane?

Undervisninga tek utgangspunkt i:

• notelesing
• teknikk og fingersetjing
• grunnleggjande musikkteori

I tillegg arbeider elevane med:

• gehørspel (å spele etter øyret)
• akkompagnement og bruksspel
• ulike musikksjangrar

Piano er eit allsidig instrument som blir brukt i dei fleste musikksjangrar, både som soloinstrument og til å akkompagnere andre.

Praktisk informasjon

• Elevane må ha tilgang til piano eller keyboard heime for øving
• Kulturskulen har nokre instrument til utlån, men dei er ofte utlånte

Lærar

• Brit Alseth

Slagverk passar for elevar som har lyst til å utforske rytme, trommer og ulike musikkstilar.

Undervisninga gir eit allsidig grunnlag i trommespel og rytmikk, og blir tilpassa nivå og interesse hos kvar enkelt elev.

Kva lærer elevane?

Elevane får arbeide med:

• grunnleggjande og vidarekomne trommeteknikkar
• rytmeforståing og samspel
• notelesing for slagverk
• spel på trommesett

Undervisninga tek utgangspunkt i etablerte lærebøker, kombinert med inspirasjon frå ulike låtar og musikkulturar.

Samspel og aktivitetar

• Elevane får moglegheit til å spele i samspelgrupper og band
• Dei kan delta på konsertar og arrangement i regi av kulturskulen
• Det er også mogleg å bli med i Vågå skulekorps

Undervisninga tek utgangspunkt i interessa til eleven, slik at opplæringa blir variert og motiverande.

Lærar

• Paulo Macamo

Tverrfløyte passar for elevar frå 4. klasse og oppover.

Undervisninga er individuell, og blir tilpassa nivå og utvikling hos kvar enkelt elev.

Kva lærer elevane?

Elevane får arbeide med:

• blåse- og pusteteknikk
• fingerteknikk
• notelesing og enkel musikkteori
• gehørspel (å spele etter øyret)
• innøving av musikk i ulike sjangrar

Undervisninga inkluderer både individuelt arbeid og mykje samspel – med andre fløytespelarar og med andre instrument.

Elevane kan også få prøve seg på å lage eigne enkle melodiar og musikkstykke.

Samspel og aktivitetar

• Elevane får moglegheit til å spele i samspelgrupper
• Dei kan delta på konsertar og arrangement i regi av kulturskulen
• Det er også mogleg å bli med i Vågå skulekorps

Instrument

• Kulturskulen tilbyr utleige av instrument
• Tverrfløyta er eit allsidig instrument som blir brukt i mange samanhengar, til dømes i korps, orkester, band og som soloinstrument

Lærar

• Anita Moe

Vil barnet ditt spele i korps? Å vere med i skulekorps gir både musikalsk utvikling, gode opplevingar og eit sterkt sosialt fellesskap.

Vågå skulekorps er eit tilbod gjennom kulturskulen for elevar frå og med 5. klasse. Etter at elevane har hatt korps i skuletida på 4. steg, kan dei halde fram i skulekorpset.

Kva lærer elevane?

I skulekorpset får elevane:

• lære å spele eit blåse- eller slagverksinstrument
• utvikle notekunnskap og musikkforståing
• spele saman med andre i orkester
• erfare meistring gjennom øving og framføring

Samspel er ein viktig del av læringa – elevane lærer å lytte til kvarandre, samarbeide og vere ein del av eit større musikalsk fellesskap.

Instrumenttilbod

Elevane kan velje mellom fleire instrument:

• fløyte
• klarinett
• saksofon
• kornett
• horn
• baryton
• trombone
• tuba
• trommer

Kulturskulen tilbyr gratis utlån av instrument.

Organisering

• Éin undervisningstime per veke (individuelt eller i små grupper)
• Fast samspeløving for heile korpset kvar måndag
• Undervisningsdagar for enkeltelevar blir avtalt ved start av skuleåret

Opplevingar og aktivitetar

Å vere med i skulekorps gir mange minnerike opplevingar gjennom året:

• konsertar og arrangement i lokalmiljøet
• deltaking på 17. mai
• seminar, stevne og turar
• deltaking på korpsfestivalar

Korpset har mellom anna delteke på festival på Tusenfryd, der elevane får kombinere konsertar med sosiale aktivitetar som overnatting, felles måltid og underhaldning.

Det er også samarbeid med:

• Otta skulekorps, med felles øvingar gjennom året
• Vågå musikkforeining, særleg i samband med 17. mai

Kvifor velje skulekorps?

Skulekorpset gir:

• eit trygt og inkluderande fellesskap
• utvikling av samarbeidsevner og ansvar
• meistring og sjølvtillit
• glede av å skape noko saman med andre

Korpset legg vekt på både det musikalske og det sosiale – det skal vere kjekt å vere med!

Lærarar

• Odd Ivar Svelstad 
• Anita Moe 
• Paulo Macamo 

Fele passar for elevar frå 2. klasse og oppover.

Undervisninga blir tilpassa nivå, interesse og behov hos kvar enkelt elev, og går hovudsakleg føre seg individuelt.

Kva lærer elevane?

Elevane får:

• utvikle speleteknikk og musikalsk uttrykk
• lære notar og grunnleggjande musikkforståing
• utforske ulike musikksjangrar

Repertoaret kan omfatte:

• folkemusikk
• klassisk musikk
• kjende og moderne songar

Samspel og aktivitetar

• Elevane får tilbod om samspel i periodar
• Dei kan delta på konsertar, seminar og tverrfaglege prosjekt
• Alle elevar blir inviterte med i juniorspelmannslag
• Dei lengstkomne kan også vere med i Vågå strykeorkester

Lærar

• Kristin Kolden

Trekkspel og toradar

Trekkspel og toradar passar for elevar som ønskjer å utforske eit allsidig instrument med sterke tradisjonar, både lokalt og internasjonalt.

Undervisninga skjer hovudsakleg individuelt, og blir tilpassa nivå og interesse hos kvar enkelt elev.

Kva lærer elevane?

Elevane får:

• spele etter både notar og gehør
• utvikle teknikk og musikalsk uttrykk
• bli kjende med ulike musikksjangrar

Repertoaret kan omfatte:

• folkemusikk og gammaldans
• populærmusikk
• underhaldningsmusikk
• klassisk musikk

Samspel og aktivitetar

• Elevane får delta i samspelgrupper, både med like instrument og saman med andre
• Dei kan vere med på konsertar og framsyningar gjennom året
• Tilbodet gir moglegheit for opptreden både lokalt og utanfor kommunen

Undervisninga går føre seg på ettermiddagstid.

Samarbeid

Trekkspeltilbodet blir gjennomført i samarbeid med Vågå Trekkspelklubb.

Om instrumenta

Trekkspel og toradar er belginstrument der tonane blir skapte av luft som set metalltunger i rørsle. Instrumentet har:

• ein diskantdel (melodi)
• ein bassdel (akkordar og akkompagnement)

Toradaren (durspel) gir ulike tonar avhengig av om ein dreg eller skyv belgen, medan trekkspel (akkordeon) vanlegvis har same tone uavhengig av retning.

Begge instrumenta blir brukte i mange musikksjangrar og har ein sterk plass i norsk folkemusikktradisjon.

Lærarar

• Brit Alseth – toradar
• Mads Erik Odde – trekkspel