Varsling av kritikkverdige forhold

Rutine for ekstern varsling gjeld for innbyggjarar, brukarar, leverandørar og andre.

For tilsette gjeld eigne rutiner for varsling.

Opplever du feil eller manglar ved ei teneste du mottek, må du kontakte tenestestaden eller Vågå kommune. Klage på enkeltvedtak rettast til tenestestaden som fatta vedtaket, innan klagefristen

• Brot på lovar og reglar
• Korrupsjon eller anna økonomisk misferd
• Brot på reglar for offentleg innkjøp
• Brot på teieplikt
• Mobbing, maktmisbruk eller diskriminering frå tilsette
• Upassande gåver eller bonusar

Denne lista gjev døme, men er ikkje uttømande

Send varsel på elektronisk skjema til varslingssekretariatet i Vågå kommune

Når du varslar via elektronisk skjema, nyttar du ei sikker, kryptert løysing, som sikrar personvernet.

Skjema for varsling av kritikkverdig forhold

Send brev

Varslingssekretariatet i Vågå kommune

v. kommunedirektør

Edv. Stormsveg 2

2680 Vågå

Om varselet gjeld kommunedirektør, eller varselet inneheld kritikkverdige forhold av svært alvorleg grad, kan varselet også sendast til ordføraren

Brev til ordføraren

Ordførar Harald Sve Bjørndal

Edv. Stormsveg 2

2680 Vågå

I alle saker skal det vurderast om kommunen skal innhente juridisk og sakkyndig bistand i saksbehandlinga

Av omsyn til personverntryggleik er det ikkje anbefalt å nytte epost til å sende varsel

Du kan velge å varsle anonymt. Det kan imidlertid vere vanskeleg å undersøkje anonyme tips, slik at moglegheita til å få gjort noko med saka ofte er større om du velger å stå fram med kontaktinformasjon.

Uansett om du gjev opp namn eller varslar anonymt, vil varslinga bli handtert i samsvar med lovar og reglar for saksbehandling. Varslingsordninga skal vere trygg for alle som varslar, og det skal vere eit vern for den det blir varsla om.

Varselet blir motteke av kommunen sitt varslingssekretariat, og du vil få stadfesta at varselet er motteke. Kommunen sitt varslingssekretariat avgjer deretter vidare prosess. Oppføringa av varselet er avhengig av kva det er varsla om. Du vil få informasjon om kva for oppfølging varselet vil få, som t.d. utgreiing eller oppføling i linja. Dersom du har varsla anonymt, så får vi ikkje orientert deg.

Om varselet gjeld kommunedirektøren eller varselet inneheld kritikkverdige forhold av svært alvorleg grad, kan varselet sendast kontrollutvalet for behandling.

I alle sakar skal det vurderast om kommunen skal innhente juridisk og sakkyndig bistand i saksbehandlinga.

Dokument i varslingssaker er underlagt same lovverk for teieplikt og offentlegheit som andre dokument i kommunen. Det vil seie at teiepliktige opplysningar alltid vil vere unnateke offentlegheit. Varslar sin identitet og opplysningar som er eigna til å identifisere varslar, vil som hovudregel bli skjerma.

Opplysningar som ikkje kjem inn under unnatak i offentleglova vil derimot kunne bli offentleggjort eller bli gjeve innsyn i, etter innsynskrav.

Varslingsordninga tek vare på også den det blir varsla om, på lik linje med den som varslar.

I dei sakene der kommunen sitt varslingssekretariat forfølgjer saka, skal den det blir varsla om i utgangspunktet bli gjort kjend med varselet, og med kva for opplysningar som er gitt. På den måten får vedkomande moglegheit til å kome med sin versjon av saka.

Når saka er ferdig behandla, skal den det er varsla om straks ha beskje, uansett utfallet av saka.