Har du, eller nokon du er glad i, fått ei kreftdiagnose? Da finst det god hjelp og støtte å få. Kreftkontaktene er her for å lytte, støtte og hjelpe deg gjennom det som kan vere ei krevjande tid.
Kva kan vi hjelpe deg med?
Som kreftkontaktar kan vi vere ein trygg samtalepartnar og bidra med:
- Støtte og rettleiing for å meistre sjukdommen i kvardagen
- Oppfølging før, under og etter behandling
- Støtte til deg som er pårørande
- Hjelp til å lindre symptom, i samarbeid med fastlege og anna helsepersonell
- Hjelp til kontakt med sjukehus og spesialistar om det trengst
Ta gjerne kontakt
Du er velkomen til å ta direkte kontakt med oss. Du kan også be legen din, sjukehuset eller andre helsearbeidarar hjelpe deg med å formidle kontakt.
Vi er her for deg — uansett kor du er i sjukdomsforløpet.
Kreftkontakta er tilgjengeleg kvar tysdag, og telefonen er bemanna kvardagar frå kl 12:00- 15:00. Tysdagar er telefonen bemanna kl 07:30-15:00. Telefonnummer: 916 37 663.
Kreftkontakt kan og nåast pr e-post: kreftkontakt@vaga.kommune.no
Sist endret 14.04.2026 15.08