Borgarleg vigsel

Det er visse vilkår i ekteskapslova som skal vera oppfylte for at ein skal kunne gifte seg, sjå kapittel 1 – Vilkår for å inngå ekteskap på lovdata.

 Gå til Lovdata

For å inngå ekteskap i Norge, må det fyrst vurderast om ekteskapsvilkåra er oppfylt. Dette blir kalla prøving av ekteskapsvilkåra, og blir gjort av folkeregisteret ved ditt regionale skattekontor. På bakgrunn av prøvinga, vil folkeregisteret utstede ein prøvingsattest. Attesten er gyldig i fire månadar frå utsteding. Alle spørsmål knytt til prøvinga må rettast til folkeregisteret ved ditt regionale skattekontor.

Les om ekteskap hjå Skatteetaten Folkeregisteret

De kan bestille tid for vigsel ved å vende dykk til kommunen sitt servicetorg eller ved å sende ein e-post til postmottak@vaga.kommune.no. 

Original prøvingsattest frå folkeregisteret må vere innlevert/leggjast ved.

Dersom dykk ønskjer å gifte dykk fredagar i mai, juni eller august, bør dykk vera ute i god tid med bestilling. Dette er populære dagar.

Last opp original prøvingsattes

Dykk kan tidligast gifte dykk tre dagar etter at vi har motteke prøvingsattest. Vi bekreftar ikkje tidspunkt før vi har motteke original attest. Attesten må vera gyldig på vigslingstidspunktet.

Vågå kommune gjennomfører vigslar alle kvardagar. Ønskje om andre dagar kan fremjast, men da vil det vera opp til ressursar og kapasitet om det let seg gjennomføre.

Vågå kommune held i utgangspunktet vigslar på kommunehuset eller kulturhuset. Ønskje om andre plassar kan fremjast, men det vil da vera opp til ressursar og kapasitet om det let seg gjennomføre.

Å gifte seg hjå oss er gratis. Ein treng ikkje vera busett i Vågå for å gifte seg i Vågå kommune

1. januar 2009 fikk Norge kjønnsnøytral ekteskapslov. Dette betyr at personar av same kjønn kan inngå ekteskap. Tidligare inngått partnarskap kan omgjerast til ekteskap ved søknad til folkeregisteret.

Gå til søknad

Paret med følgje må møte opp i god tid før avtalt tidspunkt for vigsel. Paret må vise original prøvingsattest og legitimasjon før seremonien startar.

To vitnar må være til stades under seremonien. Dette kan være forlovarane eller to andre myndige personar paret har med seg. I unntakstilfelle kan Vågå kommune stille med vitnar. Dette må avtalast på førehand.

Det kan på førehand avtalast at vigselen skal gå føre seg på engelsk. Dersom paret verken forstår norsk eller engelsk, må paret sjølv ta med seg ein kvalifisert tolk.

Seremonien tek ca.10 minuttar. Under seremonien blir formular for borgarleg vigsel lese opp. Deretter blir paret spurt om dei vil ha kvarandre til ektefelle. Paret får etter dette ein midlertidig vigselattest. Endelig vigselattest blir ettersendt frå folkeregisteret.

Det er anledning til å setja på ringar under seremonien. Ver venleg gje beskjed om dette til vigslaren før seremonien startar.

Som ein del av seremonien, ønskjer enkelte å inkludere musikk eller diktlesing. Dykk kan også ta med eigne instrument eller høgtalarar. Dersom kunstnariske innslag blir planlagt, må dykk gje beskjed om dette på førehand.

Fotografering og filming kan skje under og etter seremonien i forståing med paret.

Det er god tilgang på parkeringsplasser i Vågå.

For vigsler gjennomført frå 1. oktober 2004 kontaktar du folkeregisteret.

Gå til folkeregisteret

• Skatteetaten
• Statsarkivet i Oslo
• Juridisk ordliste