Vedtekter

«Barnehagen skal i samarbeid og forståelse med hjemmet ivareta barnas behov for omsorg og lek, og fremme læring og danning som grunnlag for allsidig utvikling. Barnehagen skal bygge på grunnleggende verdier i kristen og humanistisk arv og tradisjon, slik som respekt for menneskeverdet og naturen, på åndsfrihet, nestekjærlighet, tilgivelse, likeverd og solidaritet, verdier som kommer til uttrykk i ulike religioner og livssyn og som er forankret i menneskerettighetene. 

Barna skal få utfolde skaperglede, undring og utforskertrang. De skal lære å ta vare på seg selv, hverandre og naturen. Barna skal utvikle grunnleggende kunnskaper og ferdigheter. De skal ha rett til medvirkning tilpasset alder og forutsetninger. 

Barnehagen skal møte barna med tillit og respekt, og anerkjenne barndommens egenverdi. Den skal bidra til trivsel og glede i lek og læring, og være et utfordrende og trygt sted for fellesskap og vennskap. Barnehagen skal fremme demokrati og likestilling og motarbeide alle former for diskriminering». Barnehageloven § 1. 

2.1 Barnehagane i Vågå skal drivast i samsvar med Barnehageloven og i samsvar med dei føresegner, forskrifter og vedtak som til kvar tid er gjeldande. 

2.2 Kommunestyret har etter lov- og regelverket ansvaret for planlegging og utbygging av barnehagane i kommunen, medan ansvaret for drift er delegert til Hovudutval for oppvekst, kultur og omsorg (HOKO). 

2.3 Etter § 11 i Barnehageloven om krav til likebehandling og uavhengigheit skal kommunen organisere oppgåvene den har som barnehagemynde adskilt frå oppgåvene den har som barnehageeigar. Vågå kommune har inngått avtale med Sel kommune om tilsyn for å ivareta kravet i lova. 

2.4 Etter § 4 i Barnehageloven skal kvar barnehage ha eit foreldreråd og eit samarbeidsutval. Medlemane i foreldrerådet er alle foreldre/føresette som har barn i barnehagen. Samarbeidsutvalet består av 2 foreldre/føresette, 2 frå dei tilsette og ein representant frå eigar (politikar),jf. Barnehageloven § 4. Styrar møter som sekretær og har uttalerett, men ikkje stemmerett. Kommunen sine representantar og vararepresentantar til samarbeidsutvalet skal veljast frå HOKO. 

2.5 Rett til barnehageplass, § 16 i Barnehageloven; Barn som fyller eitt år seinast innan utgangen av august det året det søkjast om barnehageplass, har etter søknad rett til å få plass i barnehage frå august i samsvar med denne lova med forskrifter.  Barn som fyller eitt år i september, oktober eller november det året det søkast om barnehageplass, har etter søknad rett til å få plass i barnehage innan utgangen av den månaden barnet fyller eitt år i samsvar med denne lova med forskrifter. Barnet har rett til plass i barnehage i den kommunen der det er busett. Kommunen skal ha minimum eitt opptak i året. Søknadsfrist til opptaket blir fastsett av kommunen. 

3.1 Barnehagane har opningstid på 9/9,5 timar, med lokale tilpassingar frå år til år. Kvart år skal ein vurdere innmeldte behov for utvida opningstid både morgon og kveld. 

3.2 Barnehagane har 3 veker samanhengande sommarferie, vekene 29, 30 og 31. Barna skal ha minimum 3 veker ferie, og gjerne 5 veker i løpet av heile året. Dei kommunale barnehagane er stengde jule- og nyttårskveld, samt romjula og påskeveka. 

3.3 Barnehagane har tilbod om 3, 4 eller 5 dagar pr. veke. Er det ledig kapasitet kan foreldre få kjøpt ekstra dagar. 

4.1 «Alle godkjente barnehager i kommunen skal samarbeide om opptak av barn. Kommunen skal legge til rette for en samordna opptaksprosess, der det tas hensyn til barnehagenes mangfold og egenart. Brukernes ønske og behov skal tillegges stor vekt ved selve opptaket. Ved en samordnet opptaksprosess skal likebehandling av barn og likebehandling av kommunale og private barnehager sikres» jf. § 17 i Barnehageloven. 

4.2 Foreldre som ønskjer barnehageplass søker på kommunen sitt elektroniske søknadsskjema. Tildeling av plass gjeld til 1. august det året barnet byrjar på skulen eller til foreldra skriftleg seier opp plassen. Hovudopptak skjer ein gong i året, 1. august, med søknadsfrist 1. mars som blir kunngjort i lokalpressa. Nye søkjarar blir vurdert etter opptakskriteria i pkt. 5. I hovudopptaket skal og foreldre som ønskjer endring i barnehagetilbodet (skifte av barnehage/ auke/reduksjon av barnehagedagar) søkje på nytt med fortrinnsrett etter opptakskriteria i punkt 5. Er det ledig kapasitet frå nyttår kan ein vurdere nye søkjarar. 

4.3 Det er felles opptak med dei private barnehagane i Vågå. NAV og helsestasjonen skal ha høve til å uttale seg før opptaket er gjort. 

4.4 Foreldre som ikkje får innfridd første eller andre ønskje om barnehageplass har rett på uttale på vedtaket, forskrift om saksbehandlingsregler ved opptak i barnehage § 4 

Etter Barnehageloven sine føringar blir desse prioriterte: 

1. Barn med:
   1. nedsett funksjonsevne etter sakkunnig uttale, jf. Barnehageloven § 18 
   2. vedtak etter lov om barneverntenester §§ 4-4 og 4-12, 2. og 4. ledd 
2. Minoritetsspråklege 
3. Sysken i same barnehage 
4. Alder 
5. Barn som ønskjer overføring til andre barnehagar 

Ved søknad innan 1. mars skal det bli søkt på inntil to alternativ av barnehagar, i prioritert rekkjefølgje. Dersom det er for mange søkjarar til ein av barnehagane, får barnet tilbod om plass i ein annan barnehage. Opptaksmynde, dvs. kommunedirektør etter delegasjon frå kommunestyret, avgjer korleis plassane skal fordelast iht prioriteringslista over.  

Ved eventuelt reduksjon av dagar, flytting eller andre spesielle endringar i løpet av barnehageåret gjeld 1 månads oppseiing. 

Det blir kravd betaling i oppseiingstida. Det blir kravd betaling frå opptaksdato, sjølv om plassen ikkje blir teken i bruk, og eventuelt til oppseiingstida er ute. 

7.1 Prisane på opphald for 3, 4 og 5 dagar blir justert kvart år. Maksimalprisen i barnehagane blir fastsett i Stortinget sitt årlege budsjettvedtak. 

7.2 Maksprisen skal ikkje overstige 6 prosent av den samla inntekta til hushaldninga. Dette gjeld både kommunale og private barnehagar. Alle 2-, 3-, 4- og 5-åringer, og barn med utsett skulestart, som bor i hushaldninger med låg inntekt, har rett til å få 20 timar gratis opphaldstid i barnehage per veke. 

7.3 Barnehagane som kommunen driv, er eit tilbod der brukarane skal vere med på ei delfinansiering av drifta etter satsar fastsett av kommunestyret. 

7.4 Det blir gjeve søskenmoderasjon frå og med det andre barnet. 30 % moderasjon for barn nummer to, barn nummer tre er gratis. 

7.5 Samla betaling for året blir delt i 11 like terminar. Betaling skal skje til kommunekassa innan utgangen av betalingsfristen. Juli er betalingsfri månad. Ein kan ikkje seia opp plassen etter 1. mai. 

7.6 Er barnet fråverande meir enn 1 månad grunna sjukdom, og dette blir dokumentert med legeattest, kan foreldra søkje om fritak for betaling i fråværsperioden. Ein får ikkje fritak for betaling på grunn av ferieopphald i utlandet. 

8.1 Barnehagane i Vågå står under tilsyn av Miljøretta helsevern. 

8.2 Nye tilsette i barnehagane skal ha levert politiattest før dei startar i arbeid, dette gjeld også dei som er vikarar, jf § 30 i Barnehageloven 

9.1 I Vågå kommune blir den rettleiande norm for inne areal lagt til grunn, dvs. 4 m2 netto leike- og opphaldsareal pr. barn over 3 år, 6 m2 netto leike- og opphaldsareal pr.  barn under 3 år. 

9.2 Leikeareal ute bør vera omlag seks gonger så stort som leike- og opphaldsarealet inne. 

9.3 Lalm barnehage har godkjent 253,5 m2 leike- og opphaldsareal. Søre Grindstugu barnehage har godkjent 437,50 m2 leike- og opphaldsareal. 

Alle barnehagane skal følgje kommunen sine rutinar med internkontroll. Alle barnehagane skal utarbeide rutinar for å følgje opp Forskrift om miljøretta  helsevern i barnehagar og skular. 

Vedtekne av Vågå kommunestyre 7. mai 1979 og seinare justerte i vedtak i Vågå kommunestyre, sak 78/82, 119/88, 10/89, 18/91,19/93, 31/94, 138/94, 7/97, 25/2000, 58/2000, 40/03 og 103/03, 26/04, 109/07, 74/08, /09. HOKO 2/11, 5/12, 12/13, 5/15, 60/19 Siste endringane gjorde i K-styresak 58/22, HOKO 24/22.