Feiing og tilsyn
Vågå kommune har feie- og tilsynsordning i tråd med Forskrift om brannforebyggende tiltak og tilsyn. Ordninga inneber at det blir gjennomført feiing kvart 2. år. Folk som er i tvil om sotmengda i pipa kan likevel kontakte feiaren for å få ei vurdering på feiebehovet, og der det er behov for hyppigare feiing vil ein kunne leggje opp til stuttare intervall.
(foto: Ulf Ryen)
I tillegg er det ei auka satsing på førebyggande arbeid. Tilsyn er eit av hovudvirkemidla for å sikre at det står bra til med branntryggleiken hos innbyggarane i Vågå. I ordninga er det lagt opp til at det kvart 4. år blir ført tilsyn med bustader i Vågå. Tilsynet, som blir varsla skriftleg på førehand, vil kontrollere eldstadene i bustaden, røykvarslarar, evt andre risikomoment, samt gi informasjon om generell branntryggleik.
Avgifter for feiing og tilsyn Kontakt
Feiar
Bjørn Tore Aspen, tlf 61 29 36 85 - 95 45 13 52
Varabrannsjef
Pål Øygarden, tlf 61 29 36 68 - 99 74 95 20