Luftsport i Vågå
Vågå har naturgjevne forhold som gjer luftsport optimalt. Riksanlegget for Hang- og Paragliding ligg i Vågå, og kvart år blir det gjenomført ei større samling for seglflyentusiastar frå heile Europa.
Hang- og paraglidingRiksanlegget for hang- og paragliding ligg rett utanfor Vågåmo sentrum. Innafor ein radius på 1 time frå anlegget, finn du fleire av dei mest nytta flystadene i Norge: Vole, Salknapen, Blåhø, Frya, Bismo, Bøverdalen og Heidalen. Nokre av dei lengste distanseturane i Norge har dette området som utgangspunkt.
Nærmast ligg Vole, som du enkelt kan nå med bil. Denne startstaden blir nytta lokalt. Starten ligg på 1.060moh og nokre av dei aller beste termikkboblane finn du faktisk rett framfor startområdet. Høgdeforskjellen mellom start og landingsområde er ca 700 m. Sjølve startområdet er svært romsleg, med ma. ei planert flate for paraglider-start på omlag 400m2.
Du kan lese meir om riksanlegget ved å klikke på lenka under.
Rikssenteret for hang- og paraglidingSeglfly
Også innafor seglfly har Vågå eit sterkt namn og kvart år omkring påsketider arrangerer Drammen Flyklubb seglflytreff i Vågå, eller såkalla
WaveCamp. Deltakartalet ligg på ca 100 pilotar frå heile Europa og dei nyttar Vågåvatnet som flystripe.
Les meir på desse sidene:
Drammen Flyklubb
WaveCamp