Varsel om oppstart av planarbeid og offentleg ettersyn av planprogram - Sjodalen fjellgrend
Konsulentfirmaet Planråd AS har på vegne av Sjodalen Fjellgrend varsla oppstart av planarbeid for Sjodalen Fjellgrend (Russtangen-området).
Plandokument:
Sjodalen Fjellgrend - planprogram
Sjodalen Fjellgrend - brev med varsel om oppstart
Sjodalen Fjellgrend - annonse oppstart planarbeid
Merknader til det planarbeidet skal sendat til:
Planråd AS v/ Ole Jakob Reichelt innan 6. juni 2013
Adresse: Storgt. 57, 2609 Lillehammer
e-post: post@planraad.no
www.planraad.no
Mindre endring av reguleringsplan for Gjendeosen - Reinsvangen, justering av bruplassering med 20 meter
Reguleringsplan for Gjendeosen – Reinsvangen blei godkjent i kommunestyret 31.1.2012, sak 7/12. I føresegnene til planen er det i pkt. 2 sett følgjande krav ang. bru over Gjendeelva:
«Før det blir bygd bru som vist i planen, skal det gjennomførast ei ferskvassbiologisk og økologisk undersøking som inneheld m.a.
a) kartlegging av gyteareal og næringsgrunnlaget/næringsvandringa, særleg for søre del av Gjende.
b) bestandsstudie for å kunne møte auka fiskeaktivitet i området i form av tilpassa fiskereglar.
c) utgreiing om evt. konsekvensar for Gjendeflua.
d) bygging av bru skal gjennomførast under tilsyn av kompetent faginstans når det gjeld det biologiske mangfaldet.
e) om naudsynt kan det gjerast justeringar av bruplassering for å unngå skadelege inngrep i viktige gyteplassar og andre fagleg vurderte negative konsekvensar ved ei bru for det biologiske mangfaldet.»
Vågå fjellstyre har jamleg gjennomført prøvefiske i Gjende, og ein har såleis oversikt over bestandssituasjon og utvikling. Både i 2006, 2008 og i 2010 blei det gjennomført prøvefiske både i vestre, austre og midtre del av Gjende. Det er også data frå tidlegare prøvefiske. Kommunen har vore i dialog med Vågå fjellstyre om dette og pkt. b) er vurdert å vere tilstrekkeleg ivareteke gjennom eksisterande dataseriar frå prøvefiske.
Norsk institutt for naturforsking (NINA) blei engasjert for gjennomføring av ferskvass¬biologisk og økologisk undersøking på Gjendeosen, jf. krava sett i reguleringsføresegnene pkt. 2 a) og c).
NINA har sluttført dette arbeidet og i NINA-rapport 930 «Vurdering av ferskvannsbiologiske forhold i Gjendeosen. Gyteområder for ørret og forekomst av Gjendeflue» blir det tilrådd å flytte brua minimum 20 meter nedstrøms for å redusere moglegheitene for negativ påverknad på dei biologisk mest verdifulle og sårbare områda i Gjendeosen.
Det er i godkjent reguleringsplan, jf. føresegnene pkt. 2 e), opna for å justere bruplasseringa dersom dette er nødvendig for å unngå skadelege inngrep i viktige gyteplassar og andre fagleg vurderte negative konsekvensar ved ei bru for det biologiske mangfaldet.
I brev av 10.4.2013 til Vågå kommune frå Statens vegvesen v. Nasjonale turistvegar blir NINA-rapporten oversendt og tilrådingane i rapporten er følgt opp med planforslag der brua er justert 20 meter nedstrøms. Turistvegprosjektet ber om formell godkjenning av justert plankart.
Med tilvising til at det i reguleringsføresegnene pkt. 2e) er opna for justering av bru, og at det dreier seg om ei mindre justering av bruplassering nedstrøms, meiner rådmannen at planendringa kan behandlast som ei mindre reguleringsendring, jf. plan- og bygningslova § 12-14. Det dreier seg om justering av bruplassering som tidlegare er utgreidd og godkjent i samband med tidlegare reguleringsplan¬prosess. Endring av plankartet medfører ikkje behov for endring av føresegnene. Det var stort fokus på plassering av bru i planprosessen. Ein kan ikkje sjå at flytting av brua med 20 meter nedstrøms råkar nye forhold som utløyser behov for nye vurderingar.
Det er omsynet til naturmangfaldet som er bakgrunnen for reguleringsendringa. Det blir gjort ei vurdering av flytting av bru ut frå miljøprinsippa i naturmangfaldlova, jf. NML§ 7:
§ 8. (kunnskapsgrunnlaget): Gjennom NINA-rapport 930 er kunnskapsgrunnlaget vurdert som godt nok for å vurdere konsekvensar av plassering av bru.
§ 9. (føre-var-prinsippet): I tilrådinga i NINA-rapport 930 er det med bakgrunn i § 9 gjort tilråding om å flytte brua minimum 20 meter for å redusere moglege negative konsekvensar for naturmangfaldet. Statens vegvesen v. Nasjonale turistvegar har sendt inn forslag til reguleringsendring der brua er justert 20 meter nedstrøms. Dette er vurdert å vere forsvarleg og i tråd med eit føre-var-prinsipp.
§ 10. (økosystemtilnærming og samla belastning): Alle tiltak kan verke inn på eit økosystem, Med bakgrunn i vurderingane etter § 9 meiner rådmann at justering av brua reduserer moglege negative konsekvensar.
§ 11. (kostnadane ved miljøforringing skal bæres av tiltakshavar): Med bakgrunn i vurderingane og tilrådingane gjort av Norsk institutt for naturforsking i NINA-rapport 930, vil flytting av bru minimum 20 meter bidra til redusere moglegheitene for negativ påverknad på dei biologisk mest verdifulle og sårbare områda i Gjendeosen, - både i anleggsperioden og etterpå.
§ 12. (miljøforsvarlige teknikkar og driftsmetodar): Det blir vist til tilrådingane i NINA-rapport 930 ang. utforming av brua (utforming av brupillarar og midtspenn) og anleggsarbeid (tidspunkt for gjennomføring og tilsyn av kompetent faginstans).
Forslag til justert plankart blir utsendt i tråd med § 12-14, 3.ledd: «Før det treffes slikt vedtak, skal saken forelegges berørte myndigheter, og eierne og festerne av eiendommer som direkte berøres av vedtaket, skal gis anledning til å uttale seg. Jf. for øvrig § 1–9.»
NINA-rapport 930 er vedlagt.
Ev. merknader til justert planforslag må vere kommunen i hende innan 24. mai 2013.
Merknader kan sendast per post til Vågå kommune, Edvard Storms veg 2, 2680 Vågå, eller per e-post til
postmottak@vaga.kommune.no.
Planmateriale:
Gjendeosen-Reinsvangen - justering av bruplassering - plankart
Gjendeosen-Reinsvangen - justering av bruplassering - rapport frå NINA